მინისტრის მოადგილის ინფორმაციით, მზის პანელები 87 სოფლის 207 ოჯახში დამონტაჟდა

მაღალმთიანი დასახლებების 87 სოფლის 207 ოჯახს მზის პანელები დაუმონტაჟდა, რომლის საშუალებითაც ისინი, არა მხოლოდ ნათურის ანთებას, არამედ საყოფაცხოვრებო ტექნიკის გამოყენებასაც შეძლებენ, - ამის შესახებ რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა რეგიონებში განხორციელებული პროექტების ანგარიშის პრეზენტაციისას განაცხადა.

რეგიონული განვითარებისა ინფრასტრუქტურის სამინისტრომ რეგიონების განვითარების მიზნით არსებული ფონდებითა და პროგრამებით გამოყოფილი თანხების ათვისების 2019 წლის ანგარიში და 2020 წლის გეგმები წარადგინა.

რეგიონების განვითარებისათვის 2019 წელს უპრეცენდენტო რაოდენობის ინფრასტრუქტურული პროექტი განხორციელდა. სულ, რეგიონებში დაფინანსდა 402 მილიონი ლარის 6 774 პროექტი.

მთის ფონდიდან, რომლის ღირებულება 11.8 მილიონი ლარს შეადგენდა დაფინანსდა და განხორციელდა 28 პროექტი, მათ შორის მაღალმთიანი დასახლებების მაცხოვრებლებისთვის დამონტაჟდა მზის პანელები.

მზის ელექტროსადგურები გათვალისწინებული იყო მხოლოდ იმ სოფლებისთვის, სადაც მუდმივი მცხოვრებლები არიან.

პანელები დამონტაჟდა საქართველოს შვიდ რეგიონში, კერძოდ: მცხეთა-მთიანეთის, შიდა ქართლის, სამცხე-ჯავახეთის, იმერეთის, რაჭა-ლეჩხუმ-ქვემო სვანეთის, კახეთისა და აჭარის 16 მუნიციპალიტეტის 87 სოფლის 207 ოჯახში. მზის პანელის სიმძლავრე 1 500 ვატით განისაზღვრა, რაც საკმარისია ერთდროულად რამდენიმე მოწყობილობის (სახლის განათება, ტელევიზორი, მაცივარი და სხვა საყოფაცხოვრებო ტექნიკა) ჩასართავად. პროექტის განხორციელებისას რეგიონული განვითარებისა და ინფრასტრუქტურის სამინისტროს ტექნიკურ დახმარებას აშშ-ს საერთაშორისო განვითარების სააგენტოს ენერგეტიკის პროგრამა (USAID/Energy Program) უწევდა. დახმარების ფარგლებში მოხდა საქართველოს მასშტაბით უშუქო სოფლების ინვენტარიზაცია და პროგრამის მენეჯერის დაქირავება, რომელმაც ადგილზე უზრუნველყო პანელების დამონტაჟების ზედამხედველობა, ოჯახების ინფორმირება პანელების ტექნიკური შესაძლებლობების და გამოყენების შესახებ. პროცესში ჩართული იყვნენ მუნიციპალიტეტების მერები და სახელმწიფო რწმუნებულები. აღსანიშნავია, რომ მუნიციპალიტეტებმა მზის პანელები შესაბამის იდენტიფიცირებულ ოჯახებს უვადო სარგებლობის უფლებით გადასცეს და მათთან ეტაპობრივად ფორმდება ხელშეკრულებები.მზის პანელების მიწოდება-მონტაჟი და თანმდევი საგარანტიო მომსახურება კომპანია „იუჯითიმ“ განახორციელა. ბატარეებზე მწარმოებლის გარანტია 25 წელია.

საქართველოს მთავრობის ეს ინიციატივა, მაღალმთიანი დასახლებების განვითარების ფონდიდან დაფინანსდა.

აღნიშნულ ინფორმაციას ინფრასტრუქტურისა და რეგიონული განვითარების სამინისტრო ავრცელებს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)