ირაკლი კობახიძე - სამწუხაროა, რომ სინანულის ერთი სიტყვაც არ მოგვისმენია, მას შემდეგ, რაც მერაბიშვილმა საპატიმრო დატოვა

ძალიან სამწუხაროა, რომ სინანულის ერთი სიტყვაც არ მოგვისმენია, მას შემდეგ რაც მერაბიშვილმა დატოვა საპატიმრო, მაშინ როდესაც ის იყო ბრალდებული უამრავ უმძიმეს დანაშაულში, - ამის შესახებ „ინტერპრესნიუსს“ უმრავლესობის ერთ-ერთმა ლიდერმა ირაკლი კობახიძემ განუცხადა.

კობახიძე ასევე გამოეხმაურა ვანო მერაბიშვილის ციხიდან გამოსვლის შემდეგ გაკეთებულ განცხადებას და აღნიშნა, რომ „ასეთი განცხადებები ახალი არ არის“.

“ძალიან სამწუხაროა, რომ სინანულის ერთი სიტყვაც არ მოგვისმენია, მას შემდეგ რაც მერაბიშვილმა დატოვა საპატიმრო, მაშინ როდესაც ის იყო ბრალდებული უამრავ უმძიმეს დანაშაულში. მათ შორის, ისეთ დანაშაულში, რომელსაც ადამიანების სიკვდილი მოყვა. გამოჩნდა,რომ შემთხვევითი არ არის ის, რომ მას ჰქონდა მონაწილეობა მიღებული ასეთ მძიმე დანაშაულებში და გამოჩნდა, რომ ეს არის ამ პოლიტიკური ძალის სულისკვეთება, რომელსაც წარმოადგენს ვანო მერაბიშვილი. რაც შეეხება განცხადებას "დამხობის" თაობაზე, ეს ახალი არ არის. არაერთი განცხადება გაკეთებულა ასეთი პათოსით. თქვენ გახსოვთ, სააკაშვილის განცხადებები, ასევე ნიკა გვარამიასა და „ნაცმოძრაობის“ სხვა ლიდერების განცხადებები და ეს იყო მორიგი განცხადება. ისინი მუდმივად იმუქრებიან და ესეც არის იმ სულისკვეთების ნაწილი, რომელსაც განასახიერებს ეს პოლიტიკური ძალა, თუმცა იცით თქვენ, რომ ისინი არაერთხელ ემუქრებოდნენ ქართველ ხალხს გადატრიალებით და დამხობით, მაგრამ ეს პირობა ვერც ერთხელ ვერ შესრულდა და ვერც ვერასდროს შესრულდება“, - განაცხადა კობახიძემ.

შეგახსენებთ, რომ ე.წ. მატროსოვის ციხიდან ახლად გამოსულმა ყოფილმა პრემიერ-მინისტრმა ვანო მერაბიშვილმა განაცხადა, რომ აქტიურ პოლიტიკაში ჩართვას გეგმავს. მან საზოგადოებას პირობა მისცა, რომ "საქართველოს დღევანდელი ხელისუფლება 1 წელიწადში დასრულდება", რაც, მისი თქმით, „აუცილებელია იმისთვის, რომ ქვეყანაში დაიწყოს განვითარება, ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია". ამასთანავე, მერაბიშვილის განცხადებით, ხელისუფლების დამხობის მერე, „"მატროსოვის" კარი ფართოდ გაიხსნება და ყველა პოლიტპატიმარი გათავისუფლდება".

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს