ავთანდილ წერეთელს პროკურატურამ სამკურნალოდ უცხოეთში გამგზავრების ნება მისცა

ფულის გათეთრების საქმეზე ბრალდებულ ავთანდილ წერეთელს გენერალურმა პროკურატურამ ავსტრიაში სამკურნალოდ გამგზავრებასთან დაკავშირებით თანხმობა მისცა. აღნიშნულის შესახებ "ინტერპრესნიუსს" წერეთლის ადვოკატმა, კახა წერეთელმა განუცხადა.

როგორც ადვოკატი განმარტავს, ავთანდილ წერეთელი ავსტრიაში, ვენის ერთ-ერთ კლინიკაში სამკურნალოდ გუშინ გაემგზავრა და იქ 9 მარტის ჩათვლით დარჩება.

ავთანდილ წერეთელს მკურნალობის მიზნით საზღვარგარეთ, კერძოდ კი, ისრაელში წასვლის ნებართვა პროკურატურამ იანვრის თვეშიც დართო. მაშინ წერეთელი სამკურნალოდ 10 დღის განმავლობაში იმყოფებოდა.

6 თებერვალს წერეთელი უკვე საქართველოში გახდა შეუძლოდ და ის კლინიკაში გადაიყვანეს. სწორედ ამის შემდეგ ითხოვა ბიზნესმენმა მკურნობის უცხოეთში გაგრძელებისთვის პროკურატურისგან ნებართვა კიდევ ერთხელ.

ავთანდილ წერეთელს აღკვეთის ღონისძიების სახით შეფარდებულ 500 000-ლარიან გირაოსთან ერთად დამატებითი შემზღუდავი ღონისძიებებიც აქვს, მათ შორის, ბიზნესმენს საგამოძიებო უწყების თანხმობის გარეშე საზღვრის დატოვების უფლება არ აქვს. სწორედ აღნიშნულიდან გამომდინარე ითხოვდა ავთანდილ წერეთელი გამგზავრებისთვის ნებართვას.

ცნობისთვის, "თიბისი ბანკის" საქმეზე ავთანდილ წერეთელს, უკანონო შემოსავლის ლეგალიზაციის დახმარებას ედავებიან.

იხილეთ ვიდეო: პროკურატურამ ავთანდილ წერეთელს უცხოეთში სამკურნალოდ გამგზავრების ნება მისცა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით