მურთაზ ზოდელავა ზვიად კუპრავას ცემაზე - ხელისუფლება არაერთხელაა მხილებული, რომ ასეთი თავდასხმებით ცდილობს ოპოზიციის დაშინებას

„ნაციონალური მოძრაობის" წევრი მურთაზ ზოდელავას განცხადებით, ზვიად კუპრავაზე თავდასხმა „მის აქტიურობას უკავშირდება". როგორც "ინტერპრესნიუსს" მურთაზ ზოდელავამ ზვიად კუპრავას გამოკითხვის დაწყებამდე პოლიციის განყოფილებასთან განუცხადა, კუპრავას თავს სპეციალური საშუალებებით დაესხნენ, თავდასხმელებმა კი მობილური ტელეფონი გაიტაცეს.

„ზვიად კუპრავა ძალიან აქტიურია. წარმატებით აპროტესტებს იმ მანკიერებებს, რაც ხელისუფლებას ახასიათებს. განსაკუთრებით, აქტიურია კორუფციული სქემების გამოვლენაში. თუ ვინმეს უფლება ირღვევა, კუპრავა ადგილზეა და იბრძვის უფლებადარღვეული ადამიანისთვის. ეს ყველაფერი ხელისუფლებას აღიზიანებს, არ მოსწონს და ცდილობს, ეს ჩაახშოს. ამას ხელისუფლება ამგვარი თავდასხმით ახორციელებს. ხელისუფლება არაერთხელ არის მხილებული, რომ ასეთი თავდასხმებით ცდილობს ოპოზიციის დაშინებას", - განაცხადა მურთაზ ზოდელავამ.

გლდანი- ნაძალადევის პოლიციის განყოფილებაში ზვიად კუპრავას დაკითხვა მიმდინარეობს. კუპრავას თავს გუშინ დაესხნენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს