ე.წ. ყვითელი ავტობუსები, რომელიც თბილისში ჩამოწერეს, რეგიონებში იგზავნება

თბილისის მერია ე.წ. ყვითელ ავტობუსებს, რომლებიც დედაქალაქში სხვა ავტობუსებით ჩაანაცვლა, რეგიონებში აგზავნის.

„ინტერპრესნიუსის“ ინფორმაციით, ავტობუსების გადაცემის მოთხოვნით მერიას 10-მა მუნიციპალიტეტმა მიმართა, ხოლო ორს უკვე გადაეცა ჯამში 9 ავტობუსი.

რაც შეეხება სხვა მუნიციპალიტეტებს, მერიაში ახადებენ, რომ პასუხი მათ მას შემდეგ ეცნობებათ, რაც თბილისში ავტობუსების ჩანაცვლების პროცესი სრულად დამთავრდება.

აღსანიშნავია, რომ ოზურგეთისა და ონის მუნიციპალიტეტებში ტრანსპორტი უკვე ჩაიყვანეს.

კერძოდ, 5 ავტობუსი თბილისის მერიამ ოზურგეთის მუნიციპალიტეტს საჩუქრად გადასცა, საიდანაც 4 სოფლების მიმართულებით ივლის, მე-5 კი, გურიის ტურისტული პოტენციალის რეკლამირებასა და განვითარებას მოხმარდება.

როგორც ოზურგეთის მერიაში აცხადებენ, ნაჩუქარი ავტობუსები მუნიციპალიტეტში ტექდათვალიერების გავლის შემდეგ ჩაიყვანეს.

ოზურგეთის გარდა, 4 ავტობუსი თბილისის მერიამ თებერვალში ონის მუნიციპალიტეტსაც გადასცა.

სამი ავტობუსი ონი-უწერა-შოვის, ონი-ირის და ონი-ამბროლაურის მიმართულებით გადაადგილებას უზრუნველყოფს, ერთი კი სათადარიგო დარჩება და საჭიროების შემთხვევაში ქალაქში იმოძრავებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს