პარლამენტის პირველი ვიცე-სპიკერის გია ვოლსკის განცხადებით, საარჩევნო სისტემა 100/50-ზე ან 110/40-ზე სწორედ ისაა, რაც სათანადო დონეზე უზრუნველყოფს პროპორციულსაც და მაჟორიტარულ წარმომადგენლობასაც.

როგორც ვოლსკიმ ჟურნალისტებს განუცხადა, გარდა ამისა, ეს მოდელები უზრუნველყოფს სტაბილურობას ქვეყანაში.

„საოცრებაა რომ ამ ციფრებით მანიპულირება მთავარი ტრენდი გახდა ჩვენს ოპოზიციონერ მომლაპარაკებლებს შორის. ძალიან რთულია გააგებინო ადამიანს, რომ 20, 15, 10 - ეს არ არის მაჟორიტარების ის რაოდენობა, ვისაც რეალურად შეუძლიათ წარმოადგინონ საარჩევნო ოლქი. 100/ 50-ზე ან 110/ 40-ზე, სწორედ ისაა რაც უზრუნველყოფს პროპორციულსაც სათანადო დონეზე და მაჟორიტარულ წარმომადგენლობასაც, და რაც მთავარია, უზრუნველყოფს სტაბილურობას ქვეყანაში. ეს არ უნდა ოპოზიციას, ესეთი შთაბეჭდილება მრჩება და საფუძველი მაქვს უკვე ღიად ვისაუბრო ამაზე“, - განაცხადა ვოლსკიმ.