მიხეილ ჩხენკელმა მსოფლიო ბანკის წარმომადგენლებთან განათლების სისტემის 100 მილიონი დოლარის ღირებულების პროექტის განხორციელების დეტალები განიხილა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა, სამხრეთ კავკასიაში მსოფლიო ბანკის რეგიონულ დირექტორს სებასტიან მოლინეუსს და ბანკის სხვა წარმომადგენლებს: გლობალური განათლების მენეჯერს - ჰარი პატრინოსს, სამხრეთ კავკასიის, ევროპისა და ცენტრალური აზიის პროგრამის ლიდერს - ლირე ერსადოს, განათლების პროგრამის ხელმძღვანელს - სორენ ნელემანს, განათლების უფროს სპეციალისტს - ნინო ქუთათელაძეს უმასპინძლა.

როგორც „ინტერპრესნიუსს“საქართველოს განათლების, მეცნიერების, კულტურისა და სპორტის სამინისტროდან აცნოებს, შეხვედრის მიზანს საქართველოში განათლების სისტემის განვითარებისთვის მსოფლიო ბანკის 102.7 მილიონი დოლარის ღირებულების პროექტის განხორციელების დეტალების განხილვა წარმოადგენდა.

უწყების ცნობით, შეხვედრაზე მინისტრმა მიხეილ ჩხენკელმა მსოფლიო ბანკის წარმომადგენლებს საქართველოს განათლების სისტემის უპრეცედენტო მხარდაჭერისათვის და ყველა განხორციელებული და მიმდინარე პროექტისათვის მადლობა გადაუხადა.

„მინისტრის თქმით, 102.7 მილიონიანი ახალი ექვსწლიანი პროექტის მდგრადი განვითარებისათვის საკოორდინაციო ჯგუფი შეიქმნება, რომელიც დაფინანსებას საქართველოს განათლების წინაშე მდგარი გამოწვევების დასაძლევად წარმართავს. ამგვარი გამოწვევები კი არსებობს განათლების ყველა საფეხურზე, როგორც ინფრასტრუქტურული, ასევე ხარისხის უზრუნველყოფის კუთხით.

მიხეილ ჩხენკელმა ხაზგასმით აღნიშნა, რომ პროექტი უშუალოდ სკოლამდელი და ზოგადი საგანმანათლებლო დაწესებულებების მოსწავლეებს, უმაღლესი სასწავლებლების სტუდენტებს, სკოლის პედაგოგებსა და ადმინისტრაციის თანამშრომლებს შეეხება და მათთვის ხელსაყრელი სასწავლო გარემოს ჩამოყალიბებას შეუწყობს ხელს“, - ნათქვამია ინფორმაციაში.

სამინისტროს ცნობით, გარდა ამისა, მინისტრმა უმაღლესი განათლების მიმართულებით მიმდინარე რეფორმაზეც ისაუბრა, კერძოდ, შედეგზე ორიენტირებული დაფინანსების ახალ მოდელს შეეხო, რომლის დახვეწა სასწავლო და სამეცნიერო დაწესებულებების ჩართულობით აქტიურად მიმდინარეობს.

მათივე ინფორმაციით, სამხრეთ კავკასიაში მსოფლიო ბანკის რეგიონულმა დირექტორმა სებასტიან მოლინეუსმა აღნიშნა, რომ მნიშვნელოვანია, პროექტის განხორცილების პროცესი კოორდინირებულად წარიმართოს როგორც მთავრობის, ასევე საქართველოს განათლების, მეცნიერების, კულტურისა და სპორტის სამინისტროს შესაბამისი პასუხისმგებელი პირების ჩართულობით. მისი თქმით, მსოფლიო ბანკი საქართველოში განათლების ხარისხის ამაღლებას ადამიანური კაპიტალის განვითარებით შეუწყობს ხელს.

„აღსანიშნავია, რომ 5 მარტს, საქართველოს განათლების, მეცნიერების, კულტურისა და სპორტის სამინისტროს ორგანიზებით, დონორებთან კოორდინირებული მუშაობისათვის, კონფერენცია გაიმართება, რომელიც მსოფლიო ბანკის მიერ მხარდაჭერილ პროგრამას „ინოვაცია, ინკლუზიური განათლება და ხარისხი“ მიეძღვნება. აღნიშნული პროგრამა ხუთ ძირითად მიმართულებას აერთიანებს: სკოლამდელი განათლების ხელშეწყობა და მასზე ხელმისაწვდომობის გაზრდა; სწავლების ხარისხის გაუმჯობესება; უმაღლესი განათლების დაფინანსების მოდელის გაუმჯობესება; სისტემაში მონაწილე მხარეებს შორის კომუნიკაციის გაუმჯობესება; პროექტების მენეჯმენტის, მონიტორინგისა და შეფასების სისტემის გაუმჯობესება“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს