მამუკა მდინარაძე - პატიმრობაში მყოფ ადამიანებს ცალ-ცალკე არ მოაფიქრდებოდათ საერთო გზავნილის ჩამოყალიბება , ეს დაორგანიზებულია "ნაციონალური მოძრაობის" მიერ

ეს იყო "ნაციონალური მოძრაობისა" და მათი სატელიტების მესიჯი, თორემ, პატიმრობაში მყოფ ადამიანებს, ციხეში ცალ-ცალკე არ მოაფიქრდებოდათ საერთო გზავნილის ჩამოყალიბება, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა, რითაც გამოეხმაურა "ევროპული საქართველოს" წევრის გიგი უგულავას წერილს.

მდინარაძის თქმით, "ნაციონალური მოძრაობა" პოლიტპატიმრების თემას ვერც ქვეყნის შიგნით "ყიდის" და ვერც მის გარეთ.

"ეს იყო "ნაციონალური მოძრაობისა" და მათი სატელიტების მესიჯი, რადგან მათ პროპაგანდისტური სვლების მიუხედავად უჭირთ, საზოგადოება ამ ადამიანის პოლიტპატიმრობაში დააჯერონ. თავადაც იციან, რომ მოლაპარაკების პროცესში ე.წ. პოლიტპატიმრობის საკითხის პირობად დაყენება არის შეუსაბამო. აქედან გამომდინარე ეს სვლა გააკეთეს, თორემ, პატიმრობაში მყოფ ადამიანებს, ციხეში ცალ-ცალკე არ მოაფიქრდებოდათ საერთო გზავნილის ჩამოყალიბება. ეს დაორგანიზებულია "ნაციონალური მოძრაობის" მიერ, რომელმაც იცის, რომ ამ ადამიანების "პოლიტპატიმრობას" ვერ ყიდის ვერც ქვეყნის შიგნით და ვერც მის გარეთ. მოლაპარაკებების პროცესში ამ საკითხის პირობად შემოტანა მათთვისაა წამგებიანი", - განაცხადა მდინარაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით