აშშ-ში კორონავირუსით დაღუპულთა რაოდენობა 21-მდე, დაინფიცირებულთა კი - 550-მდე გაიზარდა, - ამის შესახებ ქვეყნის დაავადების კონტროლისა და პრევენციის ცენტრზე დაყრდნობით „სი-ენ-ენი“ იუწყება.

გამოცემის ცნობით, ვირუსი ქვეყნის 34 შტატსა და კოლუმბიის ოლქშია გავრცელებული.

აშშ-ის ჯანდაცვის ოფიციალური პირების განცხადებით, კორონავირუსის გავრცელების პრევენციის მიზნით, შესაძლოა, ქვეყანაში მოქალაქეებს საზოგადოებრივი თავშეყრის ადგილებში შეკრება აეკრძალოთ.