“ლელო საქართველოსთვის“ - ოპოზიციასა და ხელისუფლებას შორის მიღწეული შეთანხმების რეალიზებისა და არჩევნების სამართლიანობის უზრუნველსაყოფად გავაგრძელებთ მჭიდრო თანამშრომლობას ოპოზიციურ ძალებთან

,,ლელო საქართველოსთვის’’ მიესალმება ოპოზიციური ძალების ერთობასა და ხელისუფლებას შორის საარჩევნო საკითხებზე მიღწეულ შეთანხმებას. ამის შესახებ ინფორმაციას „ლელო საქართველოსთვის“ ავრცელებს.

როგორც პარტიის მიერ გავრცელებულ განცხადებაშია აღნიშნული, საქართველოს უახლეს ისტორიაში ეს არის უმნიშვნელოვანესი ნაბიჯი, როცა ერთმანეთთან დაპირისპირებული და კონკურენტი პოლიტიკური ძალები ახერხებენ ოპოზიციურ ერთობასა და ხელისუფლებას შორის ქვეყანაში პოლიტიკური ცხოვრების წარმართვის წესებზე შეთანხმებას.

„პოლიტიკურმა გაერთიანება ,,ლელომ’’ თავისი მნიშვნელოვანი წვლილი შეიტანა პროცესის წარმატებით დასრულებაში, რადგან ჩვენთვის უმთავრესია უზრუნველყოფილი იყოს ქვეყნის სტაბილური განვითარება და არჩევნები იყოს პოლიტიკურ ველზე აზრთა ჭიდილი და არა უკომპრომისო დაპირისპირების პოლიგონი.

ჩვენ საქართველოს მოქალაქეებს უნდა მივცეთ მშვიდი და გონივრული არჩევანის შესაძლებლობა. 2020 წელს უნდა დავიწყოთ ახალი ეროვნული იდეის ხორცშესხმა და ამ ხედვის გარშემო საზოგადოების კონსოლიდაცია.

ვულოცავთ ამ პროცესში მონაწილე ყველა მხარეს და განსაკუთრებულ მადლობას ვუხდით ჩვენს საერთაშორისო პარტნიორებს და დიპლომატიურ კორპუსს ამ პროცესში აქტიური ჩართულობისთვის.

საარჩევნო სისტემის ცვლილების თაობაზე ფართო კონსენსუსის მიღწევის შემდეგ ,,ლელოს’’ პოლიტიკურ დღის წესრიგში დადგა ამ შეთანხმების რეალიზების უზრუნველყოფა და ოქტომბრის არჩევნებისთვის მზადების გააქტიურება.

ჩვენ არაერთხელ განგვიცხადებია, რომ ,,ლელო’’, როგორც ახალი ძალა 2020 წლის არჩევნებში მონაწილეობას დამოუკიდებლად მიიღებს. ჩვენ ვაგრძელებთ პარტიული სტრუქტურის მშენებლობას, რეგიონული ოფისების გახსნას და გაძლიერებას, პროგრამული ხედვის ჩამოყალიბებას, ქვეყნის ეკონომიკური და პოლიტიკური ტრანსფორმაციისათვის ახალი ხედვების დამუშავებას.

ოპოზიციასა და ხელისუფლებას შორის მიღწეული შეთანხმების რეალიზებისა და არჩევნების სამართლიანობის უზრუნველსაყოფად გავაგრძელებთ მჭიდრო თანამშრომლობას ოპოზიციურ ძალებთან. ,,ლელო’’ განიხილავს გარკვეულ ეტაპზე მაჟორიტარული ოლქებში ოპოზიციასთან კოორდინაციასაც, რათა საქართველოში აღარასდროს მივიღოთ ავტორიტარიზმი და ერთპარტიული მმართველობა.

ამასთანავე ,,ლელო საქართველოსთვის’’ მზად არის წინასაარჩევნო პერიოდშივე უფრო მჭიდროდ ითანამშრომლოს იმ პოლიტიკურ სუბიექტებთან, ვისაც აღმოაჩნდება თანმხვედრი პოლიტიკური ხედვები, როგორც მიმდინარე პოლიტიკურ პროცესებზე, ისე მომავლის პრიორიტეტებზე.

,,ლელოს’’ ამოცანა არ არის მხოლოდ მართველი პოლიტიკური ძალის ხელისუფლებიდან ჩამოცილება. ჩვენი მიზანია საქართველოს განვითარება, ქვეყნის წარმატებულ და ძლიერ სახელმწიფოდ გადაქცევა და საზოგადოებაში ახალი იმედის გაჩენა”, - ნათქვამია განცხადებაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე