ლევან დავითაშვილი - ჩემ მოადგილეს, იური ნოზაძეს კორონავირუსი არ დაუდასტურდა, შესაბამისად, მასთან დაკავშირებული წყაროთი სამინისტროში ინფექციის გავრცელების რისკი არ არსებობს

სოფლის მეურნეობის მინისტრის ლევან დავითაშვილის განცხადებით, მის მოადგილეს, იური ნოზაძეს კორონავირუსთან დაკავშირებით ანალიზი ჩაუტარდა, თუმცა მას ინფექცია არ დაუდგინდა.

როგორც ლევან დავითაშვილმა დღეს გამართულ პრესკონფერენციაზე განაცხადა, სამინისტროში პრევენციის მიზნით სადეზინფექციო სამუშაოები ჩატარდა.

„დაგიდასტურებთ, რომ ჩვენი სამინისტროს ერთ-ერთი ხელმძღვანელის, ჩემი მოადგილის ოჯახის წევრს დაუდასტურდა კორონავირუსი, შესაბამისად, სამინისტრომ გაატარა სადეზინფექციო სამუშაოები, ყველა ის ღონისძიება, რომელიც რეკომენდაციებით იყო განსაზღვრული. ამასთანავე, ძალიან მნიშვნელოვანია აღინიშნოს, რომ თვითონ ბატონმა იურიმ თავი შეიკავა ყველა საჯარო შეხვედრისგან, თათბირისა და ბრიფინგისგან. ის თვითიზოლაციაშია, რაც ასევე ადასტურებს მის მაღალ სამოქალაქო პასუხისმგებლობას. ჩატარებული ტესტების შედეგად, ბატონ იურის არ დაუდასტურდა კორონავირუსი, შესაბამისად, რისკი სამინიტროში კორონავირუსის გავრცელების, ამ წყაროთი არ არსებობს,“- განაცხადა ლევან დავითაშვილმა.

მისივე თქმით, სამინისტრომ კორონავირუსთან დაკავშირებით საერთაშორისო მივლინებები გააუქმა.

"მე სატელეფონო კონტაქტი მაქვს ბატონ იურისთან რეგულარულად. ის თვითიზოლაციაში იმყოფება პარასკევიდან, მიუხედავად იმისა, რომ მისი ანალიზის პასუხები უარყოფითია - მას არ აქვს კორონავირუსი, შესაბამისად, ის არ წარმოადგენს რისკს და გადამდები არ არის თანამშრომლებისთვის. ჩვენ მივყვებით რეკომენდაციებს, რომელიც არის თვითიზოლაცია 2 -3 კვირის განმავლობაში. ის კარგად არის მიუხედავად იმისა, რომ მას ვირუსი აქვს და მე მგონი, მნიშვნელოვანია, გავითავისოთ ისიც, რომ მიუხედავად თანამდებობისა, პოზიციისა, საზოგადოებაში მისი მდგომარეობისა, ვირუსი შეიძლება შეხვდეს ყველა ადამიანს და მნიშვნელოვანია, რომ ჩვენ გვქონდეს ადეკვატური რეაქცია და რეაგირება ამ გამოწვევებზე", - აღნიშნა სოფლის მეურნეობის მინისტრმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს