ევროსაბჭო - უმრავლესობასა და ოპოზიციას შორის საარჩევნო საკითხზე მიღწეული შეთანხმება რამდენიმეთვიან გაურკვევლობას წერტილს უსვამს

ევროსაბჭოს შეფასებით, საარჩევნო სისტემის საკითხზე საქართველოს ხელისუფლებასა და ოპოზიციურ პარტიებს შორის მიღწეული შეთანხმება „რამდენიმეთვიან გაურკვევლობას წერტილს უსვამს“.

აღნიშნულთან დაკავშირებით ევროსაბჭოს გენერალური მდივნის პრესსპიკერი განცხადებას ავრცელებს, რომელშიც ორგანიზაცია იმედს გამოთქვამს, რომ პარლამენტი შეთანხმების დებულებებს მიიღებს.

„მივესალმებით გუშინ, 8 მარტს მიღწეულ შეთანხმებას ოპოზიციასა და უმრავლესობას შორის, რომელიც რამდენიმე თვიან გაურკვევლობას წერტილს უსვამს და მომავალი წლის არჩევნებისთვის ხსნის გზას პოლიტიკური დებატების დეპოლარიზაციისკენ. მოლაპარაკებების წარმოებას ხელს უწყობდა საერთაშორისო საზოგადოება, მათ შორის ევროკავშირი, აშშ, გერმანია და ევროსაბჭო.

ჩვენ მოუთმენლად ველით, რომ პარლამენტში მიიღებენ შეთანხმების დებულებებს, ისევე როგორც საარჩებო კანონმდებლობის ყველა აუცილებელ ცვლილებებს, რაც შესაბამისობაში მოდის საერთაშორისო რეკომენდაციებთან. ევროსაბჭო, ვენეციის კომისიასთან ერთად განაგრძობს დაეხმაროს საქართველოს ხელისუფლებას, რომ წარმატებით დასრულდეს პროცესი.

ჩვენ ვაფასებთ პოლიტიკური პარტიების მონდომებას, საქართველოს სასამართლოს სისტემას უმაღლესი სტანდარტები ჰქონდეს და დაიცვან სასამართლო და საარჩევნო პროცესები არასათანადო პოლიტიკური ჩარევისაგან. ეს ხელს შეუწყობს ადამიანის უფლებათა ევროპული კონვენციის და ევროპის საბჭოს სტანდარტების შესაბამისი დებულებების დაცვას საარჩევნო საკითხებში“, - ნათქვამია განცხადებაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო