რესპუბლიკური საავადმყოფოს გენერალური დირექტორის, ლევან გოფოძის განცხადებით, რესპუბლიკური საავდმყოფოს საკარანტინო ზონიდან დღეს რამდენიმე პაციენტი გაეწერება.
მისივე თქმით, მათი მონაცემები გადაეგზავნება ლუგარის ცენტრს, იქ კიდევ ერთხელ შემოწმდება და ყველა პაციენტი, ვინც უსიმპტომოდ არის და საზღვრის კვეთიდან ორი კვირა გაუვიდა, სახლში გაეწერება.
„ჩვენ უკვე დავიწყებთ ზონიდან პაციენტების გაწერას. დღეს ვამზადებთ დაახლოებით 10 პაციენტს. მათი მონაცემები გადაეგზავნება ცენტრს, იქ შემოწმდება კიდევ ერთხელ და ყველა პაციენტს, ვინც უსიმპტომოდ არის და გაუვიდა საზღვრის კვეთიდან ორი კვირა, გავწერთ სახლში“,-განაცხადა ლევან გოფოძემ.