ვფიქრობთ, რომ 50-დან 60 პროცენტამდე შედეგი გვექნება და დამაჯერებლად გავიმარჯვებთ,- ამის შესახებ საპარლამენტო უმრავლესობის ლიდერმა მამუკა მდინარაძემ განაცხადა.

მისი თქმით, საარჩევნო სისტემასთან დაკავშირებული საკონსტიტუციო ცვლილებების პროექტი უკვე დარეგისტრირდა, შესაბამისად, მასში ასახულია ყველა ის დეტალი, რაზეც ოპოზიციასთან მოხდა შეთანხმება.

"დარეგისტრირდა კონსტიტუციური ცვლილებების პროექტი, რომელშიც ასახულია შეთანხმების ყველა ის დეტალი, რაზეც ჩვენ და ოპოზიციამ მოვახერხეთ შეთანხმება, მოლაპარაკების ამ გადაწყვეტილებით დასრულება, რაც ძალიან კარგია და თქვენ ნახეთ, რომ ჩვენი ქვეყნის ყველა პარტნიორი ქვეყნის ყველა წარმომადგენელი მიესალმა ამას, იქნება 120/30 - ზე და იქნება ასევე ჩამკეტი, რომელიც გულისხმობს იმას , რომ 40 პროცენტიანი და უფრო დაბალი შედეგის მქონე პარტიამ ვერ დააკომპლექტოს მთავრობა. „ქართულ ოცნებას“ ამის პრობლემა არ აქვს და ჩვენ ვფიქრობთ, რომ 50-დან 60 პროცენტამდე შედეგი გვექნება და დამაჯერებლად გავიმარჯებთ", - განაცხადა მამუკა მდინარაძემ.