ახალი კორონავირუსის გავრცელების გამო, უკრაინის პრეზიდენტმა ვლადიმერ ზელენსკიმ ქვეყნისმინისტრთა კაბინეტს მოუწოდა, შემოიღოს ახალი შემზღუდავი ზომები, რომელთა შორის იქნება მეტროპოლიტენის მუშაობის შეჩერება. ამის შესახებ პრეზიდენტმა ვიდეომიმართვაში განაცხადა, რომელიც სოციალურ ქსელში, პირად გვერდზე გაავრცელა.

„ინფრასტრუქტურის სამინისტროს მოვუწოდებ, 18 მარტის 12:00 საათიდან აკრძალოს საერთაშორისო სარკინიგზო, ავია და საავტობუსე გადაზიდვები, ასევე მეტროპოლიტენის მუშაობა“, - განაცხადა ზელენსკიმ.

პრეზიდენტის თქმით, საქალაქო გადაზიდვები, შესაძლოა, განხორციელდეს 10 ადამიანის ოდენობით სამარშრუტო ტაქსებში, 20-მდე - ტროლეიბუსში, ავტობუსსა და ტრამვაიში“ , - ნათქვამია ზელენსკის მიმართვაში.

დღეისთვის, უკრაინაში, ლაბორატორიულად დადასტურებულია კორონავირუსის 5 შემთხვევაა დაფიქსირებული.