იაპონიის პრემიერ-მინისტრი, შინზო აბე აცხადებს, რომ მას „დიდი შვიდეულის“ ქვეყნების მხარდაჭერა აქვს, რომ 2020 წლის ოლიმპიური თამაშები გაიმართოს „ქვეყანაში, რომელიც დაამტკიცებს, რომ კორონავირუსის გავრცელება შეაკავა“.
„დიდი შვიდეულის“ ლიდერებთან ონლაინ კონფერენციის დროს, შინზო აბემ მათ ერთიანი ძალისხმევისკენ მოუწოდა, რათა მოხდეს კორონავირუსის საწინააღმდეგო ვაქცინის შემუშავება.
ცნობისთვის, ოლიმპიური თამაშები ოფიციალურად 24 ივლისს უნდა დაიწყოს. ამ დროისთვის იაპონიაში კორონავირუსის 834 შემთხვევა ფიქსირდება.