ოზურგეთის მუნიციპალიტეტში ახალი კორონავირუსის გავრცელების წინააღმდეგ ბრძოლის ფარგლებში ეპიდემიოლოგების მიერ დაწესებული თვითიზოლაციის პერიოდი 8 მოქალაქემ დაასრულა.
კორონავირუსის წინააღმდეგ ბრძოლის ფარგლებში ოზურგეთში შექმნილი საკოორდინაციო შტაბის ხელმძღვანელის, ირაკლი სირაძის ინფორმაციით, ყველა მათგანის ჯანმრთელობის მდგომარეობა დამაკმაყოფილებელია და მათზე დაწესებული შეზღუდვები გაუქმდა.
„ის მოქალაქეები, რომლებმაც თვითიზოლაციის პერიოდი დაასრულეს, თავს კარგად გრძნობენ, მათი ჯანმრთელობის მდგომარეობა დამაკმაყოფილებელია. ამჟამად თვითიზოლაციაში ოზურგეთის მუნიციპალიტეტში 26 მოქალაქე რჩება, დამატებით 14 ადამიანი კი თვითიზოლაციის წესების დარღვევისათვის კარანტინშია გადაყვანილი, “ -აღნიშნა ირაკლი სირაძემ.