„ევექსის კლინიკები“ მზადაა, საჭიროების შემთხვევაში დამატებით 400 საწოლამდე გამოყოს ვირუსით ინფიცირებული პაციენტების მომსახურებისთვის
„ევექსის კლინიკები“ მზადაა, საჭიროების შემთხვევაში დამატებით 400 საწოლამდე გამოყოს ვირუსით ინფიცირებული პაციენტების მომსახურებისთვის.
როგორც პრემიერსა და კერძო კლინიკებს შორის გამართული შეხვედრის დასრულების შემდეგ „ევექსი ჰოსპიტლების" გენერალურმა დირექტორმა გიორგი მინდიაშვილმა განაცხადა, მნიშვნელოვანია, რომ მსგავსი გამოწვევები სახელმწიფომ და კერძო სექტორმა ერთად დაამარცხოს.
„დღევანდელი შეხვედრა ეძღვნებოდა იმას, რომ მაქსიმალურად კოორდინირებულად იმუშაოს სახელმწიფო და კერძო სექტორმა. „ევექსის“ საავადმყოფოები სრულიად მზადყოფნაშია დღესდღეობით იმ მოცემულობებისთვის, რაც ქვეყანაშია. მიმდინარეობს ინტენსიური ტრენინგები. რაც შეეხება დამატებითი მოცულობების გამოყოფას, საჭიროების შემთხვევაში მზად ვართ 300-დან 400 საწოლამდე გამოვყოთ, რომელიც მოემსახურება ვირუსით ინფიცირებულ პაციენტებს“, - აღნიშნა მინდიაშვილმა.
