სუს-ში პაატა ბურჭულაძის შვილების გამოკითხვა დასრულდა

სახელმწიფო უსაფრთხოების სამსახურში შუქრი და ალექსანდრე ბურჭულაძეების გამოკითხვა დასრულდა. როგორც გამოკითხვის დასრულების შემდეგ ალექსანდრე ბურჭულაძემ ჟურნალისტებს განუცხადა, გამომძიებლებს მათ ინფორმაცია მიაწოდეს მათივე კომპანიის თანამშრომლის მიერ გაგზავნილ იმ სმს შეტყობინენებზე, რომლის მიხედვით, თითქოს კორონავირუსთან დაკავშირებით ქვეყნის საკარანტინე ზონად გამოცხადება იგეგმება.

„გამოძიება დაინტერესებული იყო ჩვენი კომპანიის სტრუქტურისა და თანამშრომლების შესახებ. უდიდესი ნაწლი დავუთმეთ გაგზავნილ 6 სმს-ს, თუ რა ინფორმაციას ვფლობდით. რასაკვირველია, ყველა ინფორმაცია მივაწოდეთ. მასიურ გაგზავნაზე, რასაც გამოხმაურება მოჰყვა ჩვენს მიმართ, ერთი კითხვაც არ დასმულა“ - განაცხადა ალექსანდრე ბურჭულაძემ.

ამასთან, ადვოკატი მიხეილ რამიშვილი გამორიცხავს, ამ საქმის გამო, მისი დაცვის ქვეშ მყოფების, ძმებ ბურჭულაძეების პასუხისმგებლობის საკითხი დადგეს. „გამორიცხულია ასეთი რამ, იმიტომ, რომ მათი კომპანიისა და პირადად მათ მიმართ არანაირი დანაშაულის ნიშნები არ არსებობობს. შესაბამისად, თუ რომელიმე პასუხისმგებლობაში იქნება მიცემული, რომელთა უფლებებს მე ვიცავ, ეს არის ალექსანდრე და შუქრი ბურჭულაძეები, ეს კიდევ ერთი უარესი ქმედება იქნება განხორციელებული მათი ოჯახის მიმართ“,- აღნიშნა რამიშვილმა. ამასთან, ადვოკატი სამართალდამცავებს მოუწოდებს, რომ უკან დააბრუნონ ბურჭულაძეების კუთვნილი ნივთები, რომლებიც გამოძიების შედეგად თან წაიღეს. მისივე თქმით, გამოძიებას დეტალური ინფორმაცია მიაწოდეს.

ცნობისთვის, 18 მარტს სამართალდამცავებმა ბურჭულაძეების კუთვნილ ოფისში „MS ჯგუფი” საგამოძიებო მოქმედებები მას შემდეგ ჩაატარეს, რაც მოქალაქეებს გაეგზავნათ სმს შეტყობინება, თითქოს კორონავირუსთან დაკავშირებით ქვეყნის საკარანტინე ზონად გამოცხადება იგეგმება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა