სისხლის სამართლის საერთაშორისო სასამართლოში წარსადგენი მოსამართლეობის კანდიდატი გოჩა ლორთქიფანიძე იქნება

პარლამენტის გადაწყვეტილებით, სისხლის სამართლის საერთაშორისო სასამართლოში წარსადგენი მოსამართლეობის კანდიდატი გოჩა ლორთქიფანიძე იქნება. შესაბამისი დადგენილების პროექტს პარლამენტმა 91 ხმით დაუჭირა მხარი.

პარლამენტის თავმჯდომარის განცხადებით, მისი კანდიდატურის გარშემო ერთსულოვანი მხარდაჭერა მისასალმებელია.

„იმედს გამოვთქვამ, რომ გოჩა ლორთქიფანიძე სისხლის სამართლის საერთაშორისო სასამართლოს მოსამართლედ დამტკიცებული იქნება. სასიამოვნოა, როდესაც მისი კანდიდატურის გარშემო არსებობს ერთსულოვანი მხარდაჭერა. ის იმსახურებდა ამ მხარდაჭერას საქართველოს პარლამენტის მხრიდან. მინდა, წარმატება ვუსურვო მას,“ - განაცხადა არჩილ თალაკვაძემ.

ცნობისათვის, 2020 წლის დეკემბერში „რომის სტატუტის“ წევრი ქვეყნების მე-19 ასამბლეაზე, რომელშიც 123 ქვეყანა მიიღებს მონაწილეობას, მოსამართლეები 6 ვაკანტურ ადგილზე აირჩევიან. მათ შორის, ერთი მოსამართლე აირჩევა აღმოსავლეთ ევროპიდან.

1991-2005 წწ-ში გოჩა ლორთქიფანიძე მუშაობდა საგარეო საქმეთა სამინისტროში სხვადასხვა თანამდებობებზე მრავალმხრივი დიპლომატიის სფეროში; 2005 წელს დაინიშნა საქართველოს პრემიერ-მინისტრის მრჩევლად საგარეო ურთიერთობებისა და საერთაშორისო სამართლის საკითხებში; 2007-2010 წლებში იყო კოლუმბიის უნივერსიტეტის მოწვეული მკვლევარი, 2010-2013 წლებში ამავე უნივერსიტეტის ადიუნქტ-პროფესორი, 2013 წლიდან საქართველოს იუსტიციის მინისტრის მოადგილეა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს