„პაშა ბანკი" მომხმარებლებს 3-თვიან საშეღავათო პერიოდს სთავაზობს

„პაშა ბანკი" მომხმარებლებს 3-თვიან საშეღავათო პერიოდს სთავაზობს. ამის შესახებ "ინტერპრესნიუსს" "პაშა ბანკიდან" აცნობეს.

ბანკის ინფორმაციით, შეღავათი გავრცელდება მცირე და საშუალო, ისე - მსხვილი ბიზნესის სესხებზე.

„ქვეყანაში კორონავირუსის გამო შექმნილი მდგომარეობის გათვალისწინებით, „პაშა ბანკის“ კლიენტები მიმდინარე სესხებზე 3-თვიანი საშეღავათო პერიოდით ისარგებლებენ.

აღნიშნული შეღავათი გავრცელდება „პაშა ბანკის“, როგორც მცირე და საშუალო, ისე - მსხვილი ბიზნესის სესხებზე.

27 მარტამდე „პაშა ბანკის“ თანამშრომლები ინდივიდუალურად დაუკავშირდებიან ყველა კლიენტს, დეტალურად გააცნობენ საშეღავათო პირობებს და სურვილის შემთხვევაში, მომხარებელს შეეძლება ისარგებლოს აღნიშნული შეთავაზებით",-აღნიშნულია ბანკის განცხადებაში.