„ევროპულმა საქართველომ“ მარნეულის მუნიციპალიტეტს 20 000 სამედიცინო ხელთათმანი აჩუქა

„ევროპული საქართველოს“ წევრებმა გიორგი კანდელაკმა და გიორგი ღვინიაშვილმა მარნეულის მუნიციპალიტეტს, რომელშიც ბოლნისის მსგავსად მკაცრი საკარანტინო რეჟიმია გამოცხადებული, 20 000 სამედიცინო ხელთათმანი გადასცა, - ამის შესახებ „ინტერპრესნიუსს“ „ევროპული საქართველოდან“ აცნობეს.

მათივე ინფორმაციით, პარტიის ლიდერებმა ხელთათმანები ბლოკ-პოსტთან მიიტანეს და „ევროპული საქართველოს“ მარნეულის რაონული ორგანიზაციის თავმჯდომარე აჰმედ იმამკულიევს გაუგზავნეს .

„ჩვენ აქ ჩამოვიტანეთ რამდენიმე ათასი წყვილი ხელთათმანი. გვსურს, რომ დავეხმაროთ მარნეულისა და ბოლნისის მოსახლეობას ამ მძიმე პერიოდში. ასევე „ევროპული საქართველოს“ ადგილობრივი წევრები მზად არიან, რომ იმუშაონ მოხალისეებად, რომ მაქსიმალურად დავუდგეთ გვერდით ჩვენს თანამოქალაქეებს“, - განაცხადა გიორგი ღვინიაშვილმა.

ამასთან, პარტიის წევრის, გიორგი კანდელაკის განცხადებით, „ევროპულმა საქართველომ“ მთელი ამ დღეების განმავლობაში წარმოადგინა ანტიკრიზისული გეგმა.

„გეგმა გულისხმობს გადასახადების შემცირებას, საპენსიო შენატანების შეჩერებას 8 თვის ვადით, რომელიც დაუტოვებს ჩვენს მოქალაქეებს ფულს იმისათვის, რომ გაუმკლავდნენ იმ რთულ ვითარებას, რომელშიც აღმოვჩნდით“, - განაცხადა გიორგი კანდელაკმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა