აშშ-ის სახელმწიფო მდივანი მაიკ პომპეო აცხადებს, რომ ავღანეთში ბოლო ვიზიტით იმედგაცრუებულია.

„გულწრფელად უნდა ვთქვა, ვიზიტით ძალიან იმედგაცრუებული ვარ“, - აღნიშნა პოპმპეომ სახელმწიფო დეპარტამენტში გამართულ ბრიფინგზე.

მისივე თქმით, ის შეეცდება ორივე დაპირისპირებული მხარე შერიგებისა და მშვიდობის საჭიროებაში დაარწმუნოს.

პომპეო ავღანეთს 23 მარტს ესტუმრა. ავღანეთში სახელმწიფო მდივანი შეხვდა მეორე ვადით არჩეულ პრეზიდენტ აშრაფ ღანის, ასევე ოპოზიციონერ აბდულა აბდულას, რომელიც თავს ქვეყნის კანონიერ ლიდერად მიიჩნევს.

პომპეოს ვიზიტის მიზანი იყო, რომ მედიატორის როლი შეესრულებინა ქვეყნის პრეზიდენტსა და ოპოზიციის ლიდერს შორის და ქვეყანაში სამშვიდობო პროცესისთვის შეეწყო ხელი, რადგან არსებობს საშიშროება, რომ თუკი შიდა კრიზისი მალე არ გადაიჭრება, ის გავლენას იქონიებს სამშვიდობო პროცესზე, რაც თალიბანთან აშშ-ის შეთანხმებას რისკის ქვეშ დააყენებს.