მარინა ეზუგბაია - ინფექციურ საავადმყოფოში მოთავსებული კორონავირუსით ინფიცირებული 4 პაციენტის მდგომარეობა მძიმეა

ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, ინფექციურ საავადმყოფოში მოთავსებული კორონავირუსით ინფიცირებული 33 პაციენტიდან 4-ის მდგომარეობა მძიმეა. მისივე განცხადებით, ორ პაციენტთან უკვე შეიძლება მდგომარეობის გაუმჯობესების პროგნოზირება, თუმცა დანარჩენი ორი პაციენტის მდგომარეობა კრიტიკულად მძიმე რჩება, მათ შორის ერთ-ერთი ასაკოვანი ქალია.

„ჩვენ გუშინ შემოგვემატა ერთი ახალი პაციენტი. ამ ეტაპზე ჩვენთან 33 პაციენტი მკურნალობს. ამ 33-დან 4 მძიმე პაციენტია. ამ ოთხი მძიმე პაციენტიდან 2 ის მდგომარეობა უკვე რამდენიმე დღეა დასტაბილურდა და შეგვიძლია პროგნოზირება, რომ მათი მდგომარეობის გაუმჯობესება დაიწყება. მაგრამ ორი პაციენტის მდგომარეობა კრიტიკულია, მათ შორის ერთი ასაკოვანი ქალბატონია, რომლის მდგომარეობა უცვლელად მძიმეა და რამდენიმე დღის წინ მიღებული პაციენტის მდგომარეობაც დამძიმდა. მას უტარდება შესაბამისი მკურნალობა და პროგნოზირება შეიძლება მხოლოდ რამდენიმე დღის მეთვალყურეობის შემდეგ ,“ - განაცხადა ეზუგბაიამ.

მისივე ინფორმაციით, ინფექციურ საავადმყოფოში გუშინ ღამით კიდევ ერთი პაციენტი მოთავსდა, რომლის მდგომარეობაც სავარაუდოდ, მძიმეა.

„შემოსული ახალი პაციენტის მდგომარეობაც, ალბათ, მძიმეა, მაგრამ ის გუშინ ღამით დაგვემატა. მასთან ჩატარდება კვლევები და დინამიკაში განვიხილავთ მდგომარეობასა და ლაბორატორიულ მონაცემებს და მის პროგნოზირებას გაგიკეთებთ ხვალისთვის.

რაც შეეხება გამოჯანმრთელებულებს, იცით, რომ ჩვენთან გამოჯანმრთელებულია 13 პაციენტი, ახლა კიდევ გრძელდება კვლევები, რამდენი შემოგვემატება ვნახავთ და მოგაწვდით ინფორმაციას,“ - განაცხადა ეზუგბაიამ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)