ხონის მუნიციპალიტეტის მერმა და მოხალისეებმა 170-მდე მარტოხელა ადამიანს პროდუქტები გადასცეს

ხონის მუნიციპალიტეტის მერმა ლადო ჯურხაძემ და მოხალისეებმა 170-მდე მარტოხელა ადამიანისთვის პროდუქტების გადაცემა დაასრულეს, - ამის შესახებ „ინტერპრესნიუსს“ იმერეთში სახელმწიფო რწმუნებულის პრესსამსახურიდან აცნობეს. მათივე ინფორმაციით, პროცესში ადგილობრივი ხელისუფლების წარმომადგენლებიც იყვნენ ჩართული. დღესვე ხონის მუნიციპალიტეტში საბავშვო ბაღების 850 აღსაზრდელისთვის საკვები პროდუქტის სახლებში დარიგება დაიწყო.

"საგანგებო ვითარებაში მნიშვნელოვანია ყველა მოხუცმა და ჩვენმა აღსაზრდელებმა მიიღონ კვების საჭირო რაციონი. იმისთვის, რომ ჩვენი მოქალაქეები დარჩნენ სახლში და თავიდან აიცილონ საფრთხე, ჩემს თანამშრომლებთან და მოხალისეებთან ერთად თითოეულ ოჯახს ადგილზე მივუტანეთ მათთვის განკუთვნილი ნობათი“, - განაცხადა ლადო ჯურხაძემ.

მუნიციპალიტეტის მასშტაბით სულ 170-მდე 70 წელს გადაცილებული მარტოხელა ადამიანი ცხოვრობს. ყველა მათგანისთვის საკვები პროდუქტი მერიამ შეიძინა. გარდა ამისა, აკად. ბ.ნანეიშვილის სახელობის ფსიქიკური ჯანმრთელობის ეროვნული ცენტრის გენერალურმა დირექტორმა გოჩა ბაკურაძემ, ხონის მუნიციპალიტეტის სოფელ ქუტირსა და პატარა ჯიხაიშში მცხოვრებ მარტოხელა მოხუცებს თავისი ინიციატივითა და საკუთარი სახსრებით დახმარება გაუწია. მან თითოეულ ოჯახს 160 ლარის ღირებულების სხვადასხვა დასახელების საკვები პროდუქტი გადასცა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 17.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
“მეამა ქოლექთის” ყავის უნიკალური კოქტეილები ბათუმშია