კახა კალაძე - რადგან შეკავების პერიოდიდან უკვე შიდა გავრცელების პერიოდზე გადავედით, განსაკუთრებული სიფრთხილეა საჭირო - თუ დამატებითი ნაბიჯები არის გადასადგმელი, რა თქმა უნდა, ამასაც გავაკეთებთ

თბილისის მერის კახა კალაძის განცხადებით, ქვეყანაში კორონავირუსის შიდა გადაცემის დაფიქსირების შემდეგ, განსაკუთრებული სიფრთხილეა საჭირო. რაც შეეხება ჟურნალისტების კითხვას, კორონავირუსის შიდა გადაცემის დაფიქსირების შემდეგ, ხომ არ ფიქრობს საბჭო თვითიზოლაციისა და კარანტინის წესების გამკაცრებას, კალაძემ უპასუხა, რომ გადაწყვეტილება საჭიროების მიხედვით იქნება მიღებული.

„ის, რომ შიდა გადაცემა დაფიქსირდა, ამას ყველა ველოდებოდით და ამაზე საუბარიც იყო, რადგან შეკავების პერიოდიდან უკვე შიდა გავრცელების პერიოდზეც გადავედით და აქ განსაკუთრებული სიფრთხილეა საჭირო. გადაწყვეტილებები საჭიროების მიხედვით იქნება, მომდევნო დღეების განმავლობაში ცნობილი გახდება. თუ დამატებითი ღონისძიებები, დამატებითი ნაბიჯები არის გადასადგმელი, რა თქმა უნდა, ამასაც გავაკეთებთ“,-განაცხადა კალაძემ.

ცნობისთვის, ამ დროისთვის საქართველოში კორონავირუსით დაინფიცირების 90 დადასტურებული შემთხვევა ფიქსირდება. მათგან 18 გამოჯანმრთელდა. კარანტინის რეჟიმში 4717 ადამიანი იმყოფება, ხოლო სტაციონარში მეთვალყურეობის ქვეშ - 268 პირია.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს