რესპუბლიკური საავადმყოფოს დირექტორის განცხადებით, დღეს მათ საავადმყოფოში მყოფ 7 პაციენტს აუღეს ანალიზები, რომლის პასუხებსაც ელოდებიან

რესპუბლიკური საავადმყოფოს დირექტორის, ლევან გოფოძის განცხადებით, დღეს რესპუბლიკურ საავადმყოფოში მყოფ 7 პაციენტს აუღეს ახალ კორონავირუსზე ანალიზები, რომლის პასუხებსაც ელოდებიან.

გოფოძის თქმით, გუშინ და გუშინწინ შეყვანილი 20 პაციენტის ანალიზის პასუხებიდან ყველას უარყოფითი შედეგი ჰქონდა.

ამასთან, ლევან გოფოძის განმარტებით, რესპუბლიკურ საავადმყოფოში სწრაფი ტესტების არსებობას დიდი მნიშვნელობა არ აქვს, რადგან მათ უფრო მაღალი ხარისხის და სანდო PSR ტესტები სჭირდებათ, რომელსაც ლუგარის კლინიკაში იყენებენ.

„ჩვენთვის ძალიან დიდი მნიშვნელობა სწრაფ ტესტებს არ აქვს, იმიტომ, რომ ჩვენი კლინიკა ამ წუთას მუშაობს იმ პაციენტებზე, რომლებსაც არ აღენიშნებათ კარგად გამოხატული კლინიკური სიმტომები, რომლებიც მეტნაკლებად გავს კორონავირუსით ინფიცირებული ადამიანების კლინიკურ სიმტომებს. ამიტომაც ჩვენთან ტესტების საიმედოობის ხარისხი გვინდა, რომ ძალიან მაღალი იყოს. ჩვენ თუ ვამბობთ, რომ პაციენტების ანალიზის პასუხი ნეგატიურია, ჩვენ ისინი აქედან სხვადასხვა ზონაში გაგვყავს, ამიტომაც საეჭვო პასუხით მათი გაყვანა არ იქნებოდა სწორი. ის PSR ტესტები, რომლებიც ლუგარის კლინიკაში კეთდება, არის ძალიან მაღალი ხარისხის და მე პირადად უპირატესობას სწორედ ამ ტესტებს მივანიჭებდი“, - განაცხადა ლევან გოფოძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს