დავით ზალკალიანი - საზღვარგარეთ მყოფ საქართველოს მოქალაქეთა დასახმარებლად საგარეო საქმეთა სამინისტრო ყველა მიმართულებით მუშაობს

საქართველოს საგარეო საქმეთა მინისტრმა დავით ზალკალიანმა მსოფლიო პანდემიის გავრცელების პირობებში საზღვარგარეთ მყოფი ქართველების სამშობლოში დაბრუნების, ასევე მათთვის ადგილზე დახმარების გაწევის საშუალებებსა და მექანიზმებზე ისაუბრა. ამის შესახებ „ინტერპრესიუსს“ საქართველოს საგარეო საქმეთა სამინისტროდან აცნობეს.

მისი თქმით, საზღვარგარეთ მყოფი ქართველები 24 საათის განმავლობაში უკავშირდებიან საქართველოს ყველა საელჩოს, 24 საათიან რეჟიმში მუშაობს ასევე საგარეო საქმეთა სამინისტროს ქოლ-ცენტრიც. შემოსული ზარების მიხედვით, დგინდება იმ მოქალაქეთა ვინაობა, რომლებიც სამშობლოში დაბრუნებას ითხოვენ, თუმცა, მინისტრის თქმით, არიან ისეთი ადამიანებიც, რომლებსაც ადგილზე კონსულტაცია ესაჭიროებათ, და ასევე საქართველოს ის მოქალაქეები, რომლებიც თავშესაფრის გარეშე და ულუკმაპუროდ დარჩნენ. როგორც ზალკალიანმა განაცხადა, საქართველოს მოქალაქეთა დასახმარებლად, საგარეო საქმეთა სამინისტრო და საელჩოები ყველა მიმართულებით მუშაობენ.

მისი თქმით, საჰაერო სივრცის ჩაკეტვის შემდეგ, საჰაერო ფრენებს, საქართველოს მთავრობასთან მჭიდრო კოორდინაციით, ავიაკომპანია აირზენა ახორციელებს. ფრენები მსოფლიო ჯანდაცვის ორგანიზაციის მიერ დაწესებული პროტოკოლით სრულდება, მგზავრების განლაგება ხდება ჭადრაკისებური პრინციპით და თითოეულ ბორტზე მხოლოდ 100-110 მგზავრის განთავსებაა შესაძლებელი.

მინისტრმა საპატიო კონსულებისა და კერძო კომპანიების როლზეც გაამახვილა ყურადღება.

„საპატიო კონსულების რესურსის მოზიდვით ხდება თავშესაფრის გარეშე დარჩენილი ადამიანებისთვის ჰოსტელების, სასტუმროების, თუ სხვა შესაბამისი საცხოვრებლის უზრუნველყოფა. გარდა ამისა, ცალკეული კერძო კომპანიებიც, და თავად საელჩოებიც გვერდში უდგანან იმ ადამიანებს, რომლებსაც არ გააჩნიათ არანაირი ფინანსური რესურსი და მათ ყოფითი პრობლემის მოგვარებაში ეხმარებიან“ , - აღნიშნა მან.

ზალკალიანმა საზღვარგარეთ მცხოვრები საქართველოს მოქალაქეებისთვის საგარეო საქმეთა სამინისტროს ორგანიზებით დაწყებულ ონლაინ - კონსულტაციებზეც ისაუბრა.

მისი თქმით, საგარეო საქმეთა სამინისტრო, დაავადებათა კონტროლის ცენტრიდან მოწვეული ექსპერტები მეშვეობით, ყოველდღიურად ონლაინ ინსტრუქციებს უწევს საქართველოს მოქალაქეებს ისეთ ქვეყნებში, როგორიცაა ესპანეთი, გერმანია, საფრანეთი თუ იტალია, სადაც გაცილებით უფრო რთული სიტუაციაა და საკუთარი მოქალაქეებისთვისაც კი ვერ ახერხებენ შესაბამისი სამედიცინო მომსახურების გაწევას.

„ჩვენი ექსპერტები მუდმივ კონსულტაციას უწევენ მათ და ასწავლიან, თუ რა ზომები უნდა მიიღონ სახლის პირობებში და როგორ შეასრულონ ის პროცედურები, რომლებიც გაწერილია კორონა ვირუსთან დაკავშირებით“ , - დასძინა მან.

დავით ზალკალიანის განცხადებით, პრემიერ-მინისტრთან არსებული საკოორდინაციო საბჭოს გადაწყვეტილებით საზღვარგარეთ საქართველოს დიპლომატიური მისიები 24- საათიან რეჟიმში მუშაობენ საზღვარგარეთ მყოფი ჩვენი მოქალაქეების დასახმარებლად. საგარეო საქმეთა მინისტრის განცხადებით, საქართველოს მთავრობის ძალისხმევით, მსოფლიო მასშტაბით კორონავირუსის (COVID-19) გავრცელების ფონზე უკვე მოხდა საქართველოს 4000-ზე მეტი მოქალაქის ორგანიზებული დაბრუნება სამშობლოში.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"