ნათია თურნავას განცხადებით, 2 თვეში „აგარის შაქრის“ კომბინატი მუშაობას განაახლებს

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, „აგარის შაქრის“ ქარხანა ორ თვეში ფუნქციონირებას შეძლებს.

აღნიშნულის შესახებ ნათია თურნავამ უწყებათაშორისი საკოორდინაციო საბჭოს შეხვედრის დასრულების შემდეგ განაცხადა.

როგორც მინისტრმა განმარტა, ინვესტორები და კომპანიის ხელმძღვანელები მზად არიან ქარხნის განახლება დაიწყონ, რაც დამატებით 500 სამუშაო ადგილს ნიშნავს.

„ეს არის ერთი კონკრეტული მაგალითი ადგილობრივი ბიზნესის აღორძინების, ადგილობრივი წარმოების აღორძინების და ეს არის „აგარის შაქრის“ კომბინანტი. ჩვენ გვაქვს შესაძლებლობა, რომ საკუთარი რესურსით და მხოლოდ ამ ერთი წარმოების მუშაობის განახლებით თითქმის, ნახევრამდე, 50%-მდე საკუთარი რესურსით უზრუნველვყოთ ჩვენი ბაზრის შაქარზე მოთხოვნილება. ჩვენ ვიმუშავეთ ინვესტორებთან, კომპანიის ხელმძღვანელობასთან და მზად ვართ, დავიწყოთ განახლება, ამაზე მუშაობა ისე, რომ სულ ორიოდე თვეში ეს ქარხანა მწყობრში ჩადგეს და ყველაფერთან ერთად, ეს ნიშნავს 500-ზე მეტი დასაქმებულის პრობლემის გადაწყვეტას, რადგან ეს ადამიანები დასაქმდებიან, 500-ზე მეტი ოჯახი მიიღებს აქედან შემოსავლებს. უახლოეს დღეებში მე და ჩემი კლეგა, ლევან დავითაშვილი ვესტუმრებით საწარმოს, ადგილზე გავეცნობით, თუ როგორ წავა განახლების და რემონტის სამუშაოები“, - განაცხადა თურნავამ და დასძინა, რომ „აგარის შაქრის“ მსგავსი მაგალითები მრავლად იქნება.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია