კორონავირუსის გამო პერუში ახალი რეგულაციები დაწესდა, რომლის მიხედვითაც ქუჩაში გასვლის უფლება ქალებსა და კაცებს კვირის სხვადასხვა დღეებში შეეზღუდათ. უფრო კონკრეტულად კი, კაცებს ქუჩაში გასვლის უფლება ორშაბათს, ოთხშაბათსა და პარასკევს შეეძლებათ, ქალებს კი, სამშაბათს, ხუთშაბათსა და შაბათს.

კვირაობით ქუჩაში გასვლა ორივე სქესის წარმომადგენლებს აეკრძალა.

პერუს ხელისუფლების განმარტებით, შეზღუდვების დაწესების მიზეზი ქუჩებში მოსახლეობის რაოდენობის შემცირებაა.

ბოლო მონაცემებით, პერუში კორონავირუსით დაინფიცირების 1 400 შემთხვევა დაფიქსირდა. ვირუსს ქვეყანაში 55 ადამიანი ემსხვერპლა.