ინფექციური საავადმყოფოს სამედიცინო დირექტორის მარინა ეზუგბაიას განცხადებით, დილის მონაცემებით 15 პაციენტს ჩაუტარდა ტესტირება და არცერთ მათგანს კორონავირუსი არ დაუდასტურდა.

მისივე განმარტებით, კოვიდ-19 არ დაუდასტურდა გერმანიიდან ჩამოყვანილ არცერთ პირს.

„დღეს დილის მონაცემებით, ჩვენ 15 პაციენტთან გავაკეთეთ pcr ტესტირება და გერმანიიდან შემოყვანილ ყველა პაციენტთან იყო უარყოფითი პასუხი. ისინი გადაყვანილები არიან საკარანტინო სივრცეებში და დაკვირვების ქვეშ იქნებიან 14 დღის განმავლობაში. ამ ეტაპზე ჩვენს ცენტრში 36 დადასტურებული შემთვევა გვაქვს. იყო 39, სამმა დატოვა კლინიკა და 36 განგრძობს მკურნალობას“, - განაცხადა ეზუგბაიამ.