საჩხერის მერს ბენიამინ ფალავანდიშვილს კორონავირუსი არ დაუდგინდა. ანალიზების პასუხი ცოტა ხნის წინ გახდა ცნობილი.

მერს ანალიზები მას შემდეგ აუღეს, რაც მის მეუღლეს კორონავირუსი დაუდასტურდა. ის საჩხერის სამედიცინო ცენტრში ინფექციონისტად მუშაობს.

რაც შეეხება მერის მეუღლის განმეორებითი ტესტის პასუხს, შედეგები ისევ დადებითია. ის ბოქსირებულ პალატაშია მოთავსებული. ასევე უარყოფითია 11 კონტაქტის ანალიზის პასუხი, რომლებსაც ანალიზები საავადმყოფოში აუღეს.

ცნობისთვის, სპეციალურად შექმნილ საიტზე, stopcov.ge-ზე განთავსებული ბოლო მონაცემების თანახმად, ქვეყანაში კორონავირუსით ინფიცირების შემთხვევათა რაოდენობა 174-ს შეადგენს. მათგან გამოჯანმრთელებულია 36 პაციენტი. გარდაიცვალა 2 ადამიანი.