ამირან გამყრელიძე - საქართველოში წარმოებული პირბადეები მრავალჯერადია, გარეცხვასა და გაუთოებას ექვემდებარება

დაავადებათა კონტროლის ეროვნული ცენტრის დირექტორი ამირან გამყრელიძე საქართველოში წარმოებული პირბადეებისადმი საზოგადოების ნაწილის უკმაყოფილებას არ ეთანხმება და მიიჩნევს, რომ ქვეყანაში დამზადებული პირბადის მრავალჯერადად გამოყენება შეიძლება.

მეტიც, როგორც „ინტერპრესნიუსს“ გამყრელიძემ განუცხადა, მოქალაქეებს მისი გარეცხვა და გაუთოებაც შეუძლიათ.

„ასეთი სახის პირბადეები არის საყოფაცხოვრებო ხმარებისთვის, მრავალჯერადია, გარეცხვასა და გაუთოებას ექვემდებარება. ხოლო, თუ სამედიცინო მიზნით ვიყენებთ, ის ერთჯერადია და გამოყენების შემდეგ უნდა გადავაგდოთ“,- განაცხადა გამყრელიძემ.

ცნობისთვის, ადგილობრივი წარმოების პირბადეების სააფთიაქო ქსელებში გაყიდვა 8 აპრილს დაიწყო. როგორც „ინტერპრესნიუსს“ საქართველოს ეკონომიკისა და მდგრადი განვითარების სამინისტროდან აცნობეს, საწყის ეტაპზე, 400 000 ერთეული პირბადე გაიყიდება.

დედაქალაქის შემდეგ, ეტაპობრივად მოხდა აღმოსავლეთ საქართველოსა და იმ მუნიციპალიტეტების მომარაგება, სადაც საგანგებო მდგომარეობის პირობები განსაკუთრებული სიმკაცრით სრულდება.

10 აპრილიდან საქართველოში დამზადებული პირბადეები ოთხ მსხვილ სააფთიაქო ქსელში (ავერსი, პეესპე, ფარმადეპო, ჯიპისი) მთელი საქართველოს მასშტაბით გაიყიდება. საქართველოში დამზადებული მრავალჯერადი გამოყენების პირბადის ფასი 50 თეთრია.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს