გაერო-ს ადამიანის უფლებების უმაღლესი კომისარი ქვეყნებს აფრთხილებს, რომ კორონავირუსის პანდემია შესაძლოა, „ადამიანის უფლებების კატასტროფულ დარღვევებში “ გადაიზარდოს. მიშელ ბაჩელეტის ინფორმაციით, „საგანგებო რეჟიმის პირობებში“ ქვეყნებმა თავი უნდა შეიკავონ ადამიანის ფუნდამენტალური უფლებების დარღვევისგან.

„საგანგებო უფლებები არ უნდა იქცეს მთავრობების იარაღად, რომელსაც ისინი აზრთა სხვადასხვაობის, კონტროლის და ძალაუფლების მოსახვეჭად გამოიყენებენ. ისინი უნდა იქნეს გამოყენებული პანდემიასთან ეფექტურად გამკლავების მიზნით - არც მეტი და არც ნაკლები!“,-აღნიშნა ბაჩელეტიმ.