რომან გოცირიძე - მთავრობის მიერ შემოთავაზებული პენსიის ინდექსაციის წესით, 400-ლარიანი პენსია 6-7 წლის შემდეგ იქნება - ჩვენ პროექტს  მხარს არ დავუჭერთ

„ნაციონალური მოძრაობა“ პენსიის ინდექსაციის შესახებ კანონის პროექტის მხარდაჭერას არ აპირებს. როგორც „ინტერპრესნიუსს“ ფრაქცია „ნაციონალური მოძრაობის“ თავმჯდომარე რომან გოცირიძემ განუცხადა, პენსიის ინდექსაციის მთავრობის მიერ შემოთავაზებული წესის მიხედვით, პენსიონერებს 400- ლარიანი პენსია 6-7 წლის შემდეგ ექნებათ.

„მთავრობის მიერ შემოთავაზებული პენსიის ინდექსაციის ამ წესის მიხედვით, ზომიერი ინფლაციისა და დაახლოებით 5%-იანი ეკონომიკური ზრდის პირობებში, ჩვენს მოქალაქეებს 400-ლარიანი პენსია გაუხდებათ 6-7 წლის შემდეგ. საუკეთესო შემთხვევაში ეს შეიძლება იყოს 2026 წელს. ეს იმას ნიშნავს, რომ პენსია, ფაქტობრივად, არ იზრდება და მისი რეალური მსყიდველუნარიანობა დაახლოებით იმ ფარგლებში იქნება, რაც დღეს არის. პენსიონერებისთვის ინფლაცია გაცილებით მეტია, ვიდრე ჩვეულებრივად არის ხოლმე ქვეყანაში, ვინაიდან მათ მიერ მოხმარებული საქონელი გაცილებით მეტად უფასურდება, ვიდრე დანარჩენი პროდუქცია. ასე, რომ ეს მიუღებელია და ჩვენ ამ ინიციატივას მხარს ვერ დავუჭერთ, ვინაიდან 6 წლის შემდეგ 400 ლარიანი პენსია დაცინვაა და მეტი არაფერი,“ - განაცხადა რომან გოცირიძემ.

შეგახსენებთ, რომ ფინანსთა მინისტრის ივანე მაჭავარიანის განცხადებით, პენსიის ინდექსაციის შესახებ საკანონმდებლო ცვლილებათა პაკეტი პარლამენტს უახლოეს მომავალში წარედგინება. მისივე ინფორმაციით, ამ ცვლილებებით 70 წლამდე პირებისთვის პენსია ყოველწლიურად მინიმუმ 20 ლარით, ხოლო 70 წელს გადაცილებულთათვის 25 ლარით გაიზრდება.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება