ესპანეთის პრემიერ-მინისტრი პედრო სანჩესი მოსახლეობას აფრთხილებს, რომ კორონავირუსი არსად წასულა და ორშაბათიდან, როდესაც ქვეყანაში შეზღუდვების მოხსნა იწყება, სიფთხილე და წინდახედულობა გამოიჩინონ.

„გთხოვთ, უდიდესი წინდახედულობა და სიფრთხილე გამოიჩინოთ, ვინაიდან ვირუსი ჯერ არსად წასულა, კვლავ აქ არის და კვლავ საფრთხეს წარმოადგენს“, - განაცხადა სანჩესმა სატელევიზიო მიმართვის დროს.

ცნობისათვის, ესპანეთში კორონავირუსით დაინფიცირებულთა რაოდენობა 223 578 -ს აღწევს, დაღუპულია 26 478 ადამიანი.