შალვა შავგულძე - არ შეიძლება, ხელისუფლებას მიეცეს შესაძლებლობა დღეს ერთი თქვას და ხვალ - მეორე

„თავისუფალი დემოკრატების" ლიდერის, შალვა შავგულიძის განცხადებით, ხელისუფლებასა და ოპოზიციას შორის დადებული შეთანხმება საარჩევნო სისტების შეცვლას და პოლიტპატიმრების გათავისუფლებას ითვალისწინებდა, რისი გაგებაც „ქართულ ოცნებას“ არ სურს. შავგულიძის თქმით, შეთანხმების პირობები დაცული უნდა იყოს და არ შეიძლება ხელისუფლებას მიეცეს საშუალება, დღეს ერთი თქვას და ხვალ - მეორე.

„ნებისმიერ საკითხში შეთანხმების პირობები უნდა იყოს დაცული. ეს შეთანხმება ითვალისწინებდა 2 მომენტს: ერთი - საკონსტიტუციო ცვლილებებს საარჩევნო სისტემასთან დაკავშირებით, მეორე - ამ პოლიტიკური ნიშნით, თუნდაც ნუ დაარქმევენ ასე მაგრამ, კონკრეტულ სისხლის სამართლებრივ საქმეებზე დევნის შეჩერებას და დაპატიმრებული ადამიანების გათავისუფლებას. ასე ესმის ეს შეთანხმება ოპოზიციას, რომელიც მონაწილეობდა ამაში. ასეთ ორ დოკუმენტზე მოვაწერეთ ხელი ოპოზიციის წარმომადგენლებმა და პირადად მე, რომლებიც არ ვმონაწილეობდით, მაგრამ მხარი დავუჭირეთ ამ შეთანხმებას და ასე ესმის ეს შეთანხმება მთელ საერთაშორისო საზოგადოებას. ასე არ ესმის მხოლოდ „ქართულ ოცნებას“ იმიტომ, რომ არ უნდა ასე გაიგოს და ასე არ გამოვა. ხელისუფლებამ ერთხელ მოატყუა მთელი საზოგადოება, ქართულიც და საერთაშორისოც, დაპირდა პროპორციულ არჩევნებს და მოიტყუა. ეს ასე არ გამოვა, პირობები უნდა იქნეს დაცული. არ შეიძლება, ხელისუფლებას მიეცეს შესაძლებლობა დღეს ერთი თქვას და ხვალ - მეორე“, - განაცხადა შავგულიძემ.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო