თბილისის სახელმწიფო სამედიცინო უნივერსიტეტის სტუდენტები და რეზიდენტები აქტიურად არიან ჩართულნი მსოფლიოს ახალი გამოწვევის, კოვიდ ინფექციის წინააღმდეგ ბრძოლაში,- ამის შესახებ ნათქვამია თბილისის სახელმწიფო სამედიცინო უნივერსიტეტის მიერ გავრცელებულ ინფორმაციაში.

„ისინი ჩვენი დროის გმირები არიან, რომლებიც, თითოეული პაციენტის გადასარჩენად, საქართველოს (და არამარტო) სხვადასხვა ქალაქსა და რეგიონში თავდაუზოგავად შრომობენ და იღწვიან. ზოგიერთ მათგანს ჯანმრთელობის სადარაჯოზე ყოფნა ყველაზე რთულ ვითარებაში, ოკუპირებული ტერიტორიებიდან ყველაზე ახლოს, სულ რამდენიმე კილომეტრში უწევს. ეს ახალგაზრდები არამხოლოდ პროფესიულ მოვალეობას ასრულებენ, არამედ ემსახურებიან იმ უზენაეს მისიას, რასაც საკუთარი ქვეყნის რიგითი ჯარისკაცობა ჰქვია“,- აღნიშნულია თბილისის სახელმწიფო სამედიცინო უნივერსიტეტის განცხადებაში.