ხათუნა ზახაშვილის განცხადებით, ვინაიდან მოლებში გამოსაცვლელი ოთახი ჩაკეტილი სივრცეა, რეკომენდაციაა, რომ მოქალაქეებმა ასეთი სივრცის გამოყენებისგან თავი შეიკავონ

დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის ხათუნა ზახაშვილის განცხადებით, ვინაიდან მოლებში გამოსაცვლელი ოთახი ჩაკეტილი სივრცეა, გაცემულია რეკომენდაცია, რომ მოქალაქეებმა ასეთი სივრცის გამოყენებისგან თავი შეიკავონ.

„აღნიშნულთან დაკავშირებით მხოლოდ ის შემიძლია გითხრათ, რომ მთელმა რიგმა ქვეყნებმა, რომლებმაც სავაჭრო სისტემები გახსნეს და მაღაზიები მოქმედებს, სადაც ტანსაცმელი იყიდება, შეზღუდეს ასეთი გამოსაცვლელი ოთახების არსებობა. ყველასთვის ცნობილია, რომ გამოსაცვლელი ოთახების მოწყობა არ ითვალისწინებს იმას, რომ ის პირდაპირ ნიავდებოდეს, დახურული სივრცეა, ყველაზე უფრო ჩაკეტილი და ისეთი ადგილია, რომ მისი დასუფთავება ყოველჯერზე, ყოველი მომხმარებლის შემდეგ ფიზიკურად შეუძლებელია. სწორედ ამიტომ არის რეკომენდებული, რომ გაყიდვა უპირატესად ასეთი ოთახების გამოყენების გარეშე მოხდეს და ასეთი რეკომენდაცია არის ამჟამად“,-განაცხადა ზახაშვილმა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის პაატა იმნაძის განცხადებით კი, საქართველოში მოქმედ მოლებში გამოსაცვლელი ოთახის გამოყენება აკრძალული არ არის, თუმცა თავშეკავება სჯობს.

„ჩვენთან აკრძალული არ არის, მაგრამ სჯობს თავი შევიკავოთ. თუმცა, ზოგიერთი ბრენდმა თავისი რეგულაციით აკრძალა“,- განაცხადა იმნაძემ.