საქართველოს მუსლიმთა უმაღლესი სასულიერო სამმართველოს თავმჯდომარის ადვოკატი აცხადებს, რომ გაუთქმელობაზე მოაწერინეს ხელი და სუს-ში გამოკითხვის დეტალებზე  ვერ ისაუბრებს

სახელმწიფო უსაფრთხოების სამსახურში სრულიად საქართველოს მუსლიმთა უმაღლესი სასულიერო სამმართველოს თავმჯდომარის, შეიხ მირტაგ ასადოვის გამოკითხვა დასრულდა. როგორც „ინტერპრესნიუსთან“ საუბარში ასადოვის უფლებადამცველი ქეთი ჩუთლაშვილი ახადებს, მათ უწყებაში გაუთქმელობაზე მოაწერინეს ხელი და იმასთან დაკავშირებით, თუ რას შეეხებოდა სუს-ის კითხვები, ვერ ისაუბრებს.

„სახელმწიფო უსაფრთხოების სამსახურის განცხადების თანახმად, გამოძიება რასობრივი დისკრიმინაციის ფაქტზე დაიწყო. რაც შეეხება კითხვებს და საკითხებს, რითაც საგამოძიებო ორგანო დაინტერესდა, ვერ მოგახსენებთ, ვინაიდან საგამოძიებო ორგანომ დაგვავალდებულა არ გავახმაუროთ გამოძიების ფარგლებში ჩვენთვის ცნობილი ინფორმაცია“, - განაცხადა ჩუთლაშვილმა.

ცნობისთვის, სახელმწიფო უსაფრთხოების სამსახურის სახელმწიფო უსაფრთხოების დეპარტამენტი გამოძიებას აწარმოებს რასობრივი დისკრიმინაციის ფაქტზე, ესე იგი ქმედება, ჩადენილი ეროვნული მტრობის და განხეთქილების ჩამოგდების, ეროვნული პატივისა და ღირსების დამცირების მიზნით, აგრეთვე ეროვნული და ეთნიკური კუთვნილების ნიშნით ადამიანის უფლებების პირდაპირი ან არაპირდაპირი შეზღუდვა ანდა იმავე ნიშნით ადამიანისათვის უპირატესობის მინიჭება, რამაც არსებითად ხელყო მისი უფლება, ჩადენილი პირთა ჯგუფის მიერ, დანაშაული გათვალისწინებული საქართველოს სსკ-ის 1421-ე მუხლის მე-3 ნაწილის „ა“ ქვეპუნქტით“. სუს-ის ცნობით, არსებული ოპერატიული ინფორმაციის თანახმად, საქართველოში არსებობენ პირთა ჯგუფები და რიგი მოქალაქეები, რომლებიც ცდილობენ ქვემო ქართლის და კახეთის რეგიონში ეთნიკურ ქართველებსა და აზერბაიჯანელებს შორის შუღლის გაღვივებას.

იხილეთ ვიდეო:საქართველოს მუსლიმთა უმაღლესი სასულიერო სამმართველოს შეიხი აცხადებს, რომ სუს-ში გაუთქმელობაზე მოაწერინეს ხელი და გამოკითხვის დეტალებზე ვერ ისაუბრებს

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა