პარლამენტის დამოუკიდებელი დეპუტატი ბექა ნაცვლიშვილი ფრაქცია "დამოუკიდებელ დეპუტატებს" უერთდება. ამასთან, ის ამ ფრაქციის წევრებთან ერთად დაფუძნებული პარტიის "ჩვენი საქართველო სოლიდარობის ალიანსის" თავმჯდომარის პოსტს იკავებს. აღნიშნულის შესახებ დეპუტატმა პარლამენტში, ჟურნალისტებთან განაცხადა.
"მივიღე გადაწყვეტილება, რომ შევუერთდე ფრაქცია "დამოუკიდებელ დეპუტატებს" და ერთად გავაგრძელოთ საპარლამენტო ფორმატშიც პოლიტიკური საქმიანობა. მარიამ ჯაში რჩება ფრაქციის თავმჯდომარედ, მე კი ვიკავებ პარტიის თავმჯდომარის პოზიციას,"- განაცხადა ნაცვლიშვილმა.
შეგახსენებთ, ბექა ნაცვლიშვილმა და ფრაქცია " დამოუკიდებელი დეპუტატების" წევრების ნაწილმა პარტია გუშინ დააფუძნეს.