20 ივნისს დაზარალებული სამი პირი შინაგან საქმეთა სამინისტროსგან ზიანის ანაზღაურებას მოითხოვს

2019 წლის 20 ივნისს დაზარალებული სამი პირი შინაგან საქმეთა სამინისტროსგან ზიანის ანაზღაურებას მოითხოვს. შესაბამისი სარჩელი მათ საქალაქო სასამართლოში დღეს შეიტანეს. სამივეს ინტერესებს „ახალგაზრდა იურისტთა ასოციაცია“ იცავს.

როგორც საია-ს ადვოკატმა მარიკა დუმბაძემ ჟურნალისტებთან საუბრისას აღნიშნა, ამ ადამიანებმა განიცადეს მნიშვნელოვანი მორალური და ფიზიკური ზიანი, რის გამოც სახელმწიფომ პასუხი უნდა აგოს და მათ მიყენებული ზარალი აუნაზღაუროს.

„2019 წლის 20-21 ივნისს მომხდარი ფაქტიდან ერთი წელი გადის, შესაბამისად ჩვენ შევიტანეთ სარჩელი სიმბოლურად. თუმცა, მთელი ეს პერიოდი ვემზადებოდით დოკუმენტების მოსამზადებლად რათა სარჩელი წარგვედგინა სასამართლოში. მოგეხსენებათ, რომ საია იცავს დაზარალებულების ინტერესებს როგორც სისხლის სამართლის საქმეზე, ასევე ამ ეტაპზე მივმართეთ სასამართლოს შინაგან საქმეთა სამინისტროს წინააღმდეგ მორალური ზიანის ანაზღაურებისა და ყოველთვიური სარჩოს დაკისრების მოთხოვნით. ამ ადამიანებმა განიცადეს მნიშვნელოვანი მორალური და ფიზიკური ზიანი, ზოგიერთმა მათგანმა საერთოდ დაკარგა სხეულის ნაწილი, მათ შორის მხედველობა. ამ ეტაპზე მხოლოდ 3 ადამიანის სარჩელი შევიტანეთ, თუმცა მხოლოდ ამით არ შემოვიფარგლებით და აქტიურად ვმუშაობთ დამატებით სარჩელების წარდგენაზე. ესენი არიან ჟურნალისტი თამარ ბაღაშვილი, აქციის მონაწილეები დავით შეყილაძე და ლექსო ჩანქსელიანი, მათ ჰქონდათ სხეულის სხვადასხვა ნაწილის დაზიანებები და ერთ-ერთმა დაკარგა მხედველობა.

სამედიცინო დოკუმენტაციით პირდაპირ დასტურდება, რომ ამ ადამიანებს სხეულის დაზიანება აღენიშნებოდათ, ასევე ჩატარებულია ექსპერტიზები და ამ დოკუმენტაციის საფუძველზე დასტურდება სარჩელში წარმოდგენილი ფაქტობრივი გარემოებები. მნიშველოვანია, რომ სახელმწიფომ მსგავს ქმედებებზე აგოს პასუხი და ამ ადამიანებს მიყენებული ზიანი ავუნაზღაუროთ,” - განაცხადა მარიკა დუმბაძემ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო