დიდი ბრიტანეთის საგარეო საქმეთა მინისტრი საპროტესტო აქციებზე დაჩოქებაზე  - როგორც ჩანს, ეს სერიალ „სამეფო კარის თამაშებიდან“ მოდის

დიდი ბრიტანეთის საგარეო საქმეთა მინისტრის, დომინიკ რააბის განცხადებით, საპროტესტო აქციებზე დაჩოქება,“ როგორც ჩანს, სერიალ „სამეფო კარის თამაშებიდან“ მოდის და უფრო დამორჩილებისა და დაქვემდებარების სიმბოლოს ჰგავს“.

აღნიშნული შეხედულება რააბმა იმ ტრადიციული ჟესტის მიმართ გამოთქვა, რომელიც მუხლის მოდრეკის სახით ჯორჯ ფლოიდის გარდაცვალების შემდგომ დაწყებული ანტირასისტული მოძრაობის ფარგლებში სოლიდარობის ნიშნად დამკვიდრდა და ხშირია სხვადასხვა დემონსტრაციებზე. რააბს „თოლქ რადიოსთან“ ინტერვიუს დროს კითხვა დაუსვეს, დაიჩოქებდა თუ არა თავად, რაზეც საგარეო საქმეთა მინისტრმა უპასუხა, რომ მას ესმის ის იმედგაცრუება და მღელვარება, რაც ანტირასისტულ კამპანიას ამოძრავებს.

„ეს როგორც ჩანს, „სამეფო კარის თამაშებიდან“ არის აღებული და ჩემთვის უფრო დამორჩილებისა და დაქვემდებარების სიმბოლოა, ვიდრე გათავისუფლების“, - აღნიშნა რააბმა.

განმეორებით კითხვაზე, მოიდრეკდა თუ არა იგი თავად მუხლს საპროტესტო აქციის დროს, მინისტრმა უპასუხა, რომ მხოლოდ ორი ადამიანის წინაშე დაიჩოქებს - ერთი დედოფალი ელისაბედია, მეორე კი მისი ცოლი, რომელსაც ხელი დაჩოქილმა სთხოვა.

მან მოგვიანებით საკუთარი კომენტარი განმარტა და აღნიშნა, რომ სრულ პატივისცემას უცხადებს ანტირასისტულ მოძრაობას ლოზუნგით - „შავკანიანთა სიცოცხლე მნიშვნელოვანია: რააბი მალევე გააკრიტიკეს ოპონენტებმა. „ლეიბორისტული პარტიიდან“ დეპუტატმა და შავკანიანთა უფლებადამცველმა აქტივისტმა დევიდ ლემიმ აღნიშნა, რომ საგარეო საქმეთა მინისტრმა ანტირასისტული მოძრაობა შეურაცხყო.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან