ადამ კინზინგერი -  ყველა ქართველი იმსახურებს პარლამენტს, რომელიც მათ წარმოადგენს, ყველა ქართველი იმსახურებს თავისუფალ და დამოუკიდებელ სასამართლოს

ვიცი, რაც არ უნდა ვთქვა, ამას რომელიმე მხარე აიღებს და სათავისოდ შეატრიალებს, ამიტომ ამ კონკრეტულ საკითხთან დაკავშირებით რომელიმე მხარეს არ ვიჭერ, იმ მხარის გარდა, რომ 8 მარტის შეთანხმება უნდა შესრულდეს , - ამის შესახებ ამერიკელმა რესპუბლიკელმა კონგრესმენმა და კონგრესის აშშ-საქართველოს მეგობრობის ჯგუფის თავმჯდომარემ, ადამ კინზინგერმა მედიისთვის გამართულ ვიდეო კონფერენციაში განაცხადა, რითაც უპასუხა გიორგი რურუას გათავისუფლებასთან დაკავშირებულ კითხვას.

კინზინგერის თქმით, ის ამასთან დაკავშირებით დეტალებში არ ჩავა, თუმცა მთავარია, ქართველმა ხალხმა ის მიიღოს, რასაც იმსახურებს.

„8 მარტის შეთანხმება, რომელსაც ყველა მხარემ მოაწერა ხელი, უნდა შესრულდეს. ვფიქრობ, სწორედ ამას სჭირდება სრული აღსრულება. უკვე კარგი პროგრესია პარლამენტში, არის შემდეგი მოსმენაც და სხვა ნაბიჯებიცაა გადასადგმელი. რაც დეტალებს შეეხება, ამას ხელმომწერ მხარეებს დავუტოვებ და ჩვენს საელჩოს მივცემ შესაძლებლობას, ამაზე ისაუბროს, ჩვენს ელჩს, თუ სურს ამაზე ლაპარაკი. მინდა, მას მივულოცო, ძალიან კარგად მუშაობს. ვიტყვი, რომ ყველა ქართველი იმსახურებს პარლამენტს, რომელიც მათ წარმოადგენს, და ყველა ქართველი იმსახურებს თავისუფალ და დამოუკიდებელ სასამართლოს. მხოლოდ ეს შემიძლია ვთქვა. ვიცი, რაც არ უნდა ვთქვა, ამას რომელიმე მხარე აიღებს და სათავისოდ შეატრიალებს, ამიტომ ამ კონკრეტულ საკითხთან დაკავშირებით რომელიმე მხარეს არ ვიჭერ, იმ მხარის გარდა, რომ 8 მარტის შეთანხმება უნდა აღსრულდეს, რათა ქართველებმა ის მიიღონ, რასაც იმსახურებენ. ამ თემაზე მხოლოდ ამას ვიტყვი“, - აღნიშნა კინზინგერმა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე