ჩვენი რეანიმაციის განყოფილებებში კორონავირუსის სიკვდილიანობის მაჩვენებელი დაახლოებით 24 %-ს შეადგენს, ეს „კარგი“ მაჩვენებელია, - ამის შესახებ სომხეთის ჯანდაცვის მინისტრმა არსენ ტოროსიანმა განაცხადა.

„ჩვენი რეანიმაციის განყოფილებებში კორონავირუსის სიკვდილიანობის მაჩვენებელი დაახლოებით 24 %-ს შეადგენს, ეს „კარგი" მაჩვენებელია, რომელიც განპირობებულია ჩვენი მედთანამშრომლების შრომის შედეგად და თანამედროვე და შესაფერისი სამედიცინო დახმარების გაწევით“ , - წერს ტოროსიანი „ფეისბუკის“ პირად გვერდზე.

მისი თქმით, ბევრ დასავლურ ქვეყანაში ეს მაჩვენებელი მერყეობს 35-45 %-ს შორის.

სომხეთში, ბოლო მონაცემებით, კორონავირუსის 22 500 შემთხვევა გამოვლინდა, რომელთაგან 11 300 გამოჯანმრთელდა, 397 ადამიანი კი გარდაიცვალა.