რომან გოცირიძე - კობახიძე ადა მარშანიას რომ გადაეყრება პარლამენტის კორიდორში, ხომ გაწეწავს ეს ქალი?! არ უნდა დაფიქრდეს, რას ამბობს?

კობახიძე ადა მარშანიას რომ გადაეყრება ამ კორიდორში, ხომ გაწეწავს ეს ქალი?! - ასე გამოეხმაურა ფრაქცია "ნაციონალური მოძრაობის" თავმჯდომარე რომან გოცირიძე პარლამენტის ყოფილი თავმჯდომარის, ირაკლი კობახიძის განცხადებას.

მისი თქმით, კობახიძის განცხადებები რეალობას აცდენილია.

"ბატონი კობახიძის განცხადება აცდენილია რეალობას, ისეთი სასაცილო რამე თქვა, ზრდილობიანად ვამბობ, თორემ სხვა რამე უნდა მეთქვა - ადა მარშანია და კვიციანი იმიტომ არ შემოვიდნენ კენჭისყრაზე, რომ "ნაციონალურმა მოძრაობამ" გადმოიბირაო. ადა მარშანიას რომ გადაეყრება ამ კორიდორში, ხომ გაწეწავს ეს ქალი მაგას? არ უნდა დაფიქრდეს, რა უნდა თქვას და რა არა? კვიციანი, კიდევ კარგი, პარლამენტში არაა, თორემ იქ სხვა რამესთან გვექნებოდა საქმე,"- განაცხადა გოცირიძემ.

შეგახსენებთ, პარლამენტის ყოფილი თავმჯდომარის, ირაკლი კობახიძის განცხადებით, იმაზე, რომ საკონსტიტუციო ცვლილებების კენჭისყრაში დავით ჭიჭინაძეს, ემზარ კვიციანს და ადა მარშანიას მონაწილეობა არ მიეღოთ, "ნაციონალურმა მოძრაობამ" და "ევროპულმა საქართველომ" "იმუშავეს".

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს