რომან კაკულია ლევან კობერიძეს - მძინარე მდგომარეობაში შემოგიყვანეს „ოცნებაში“, მორჩი ბოდიალს და დემაგოგიას

შენ რომ ძალიან გვიან გამოიღვიძე ამ გამოღვიძებით ყველანი მოხარული ვართ, როგორც ჩანს, მძინარე მდგომარეობაში შემოგიყვანეს „ქართულ ოცნებაში“,- ასე მიმართა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ, ფრაქცია "დამოუკიდებელი დეპუტატების" წევრ ლევან კობერიძეს კომიტეტის სხდომაზე, სადაც „ელექტრონული კომუნიკაციების“ შესახებ საქართველოს კანონში შესატანი ცვლილებების პაკეტს განიხილავენ.

კომიტეტის თავმჯდომარესა და ფრაქცია "დამოუკიდებელი დეპუტატების" წევრ ლევან კობერიძეს შორის კანონპროექტთან დაკავშირებით ლევან კობერიძის შეფასებებს დაპირისპირება მოჰყვა.

„ერთი შეკითხვა მაქვს ლევან შენთან, დარწმუნებული ხარ, რომ სიღრმისეულად რასთან გვაქვს საქმე ნამდვილად იცი? შენ რომ ძალიან გვიან გამოიღვიძე ამ გამოღვიძებით ყველანი მოხარული ვართ, როგორც ჩანს, მძინარე მდგომარეობაში შემოგიყვანეს „ქართულ ოცნებაში“. შენი ბულინგის არავის არ ეშინია, მორჩი ბოდიალს და დემაგოგიას,“-მიმართა კაკულიამ კობერიძეს.

თავის მხრივ, ლევან კობერიძემ რომან კაკულიას ღირსები შენარჩუნებისკენ მოუწოდა.

„მე კიდევ შენზე მგონია, რომ კიდევ ბევრ რამეში არ ხარ დარწმუნებული და სხვის დაკრულზე ცეკვავ. ეკონომიკური პოლიტიკის კომიტეტის თავმჯდომარე ხარ და ოთხი წელია რა ხდება ეკონომიკაში ვერც შენ გაგირკვევია და ვერც სხვას და არც პასუხი არ მოგითხოვია არავისთვის. ძალიან პირადულ შეურაცხყოფაზე გადადიხარ და მაგისთვის ალიყურს მიიღებ“,-განაცხადა კობერიძემ.

იხილეთ ვიდეო:"მორჩი ბოდიალს, მძინარე მდგომარეობაში შემოგიყვანეს "ოცნებაში" - მწვავე დაპირისპირება პარლამენტში, რომან კაკულიასა და ლევან კობერიძეს შორის

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა