სერგი კაპანაძე - სამარცხვინო კანონია, ეს კომიტეტიც სამარცხვინოდ იქცა და თავმჯდომარეზე აღარ ვიტყვი არაფერს წევრებთან ერთად

დარგობრივი ეკონომიკისა და ეკონომიკური პოლიტიკის კომიტეტის სხდომა, სადაც „ელექტრონული კომუნიკაციების“ შესახებ საქართველოს კანონში შესატანი ცვლილებების პაკეტს განიხილავენ, კამათის ფონზე მიმდინარეობს.

„ევროპული საქართველოს“ წევრმა სერგი კაპანაძემ „ელექტრონული კომუნიკაციების“ შესახებ საქართველოს კანონში შესატან ცვლილებებს სამარცხვინო უწოდა და აღნიშნა, რომ მასთან დაკავშირებით კითხვების დასმის აზრს ვერ ხედავს. ამასთან, დეპუტატმა კომიტეტის თავმჯდომარეს, რომან კაკულიას სთხოვა, რომ „დაწყნარდეს, დამშვიდდეს“ და სააუბარის დაასრულების საშუალება მისცეს.

„აქ კითხვების დასმას აზრი არ აქვს, ამის შესახებ ჩემი შეფასება გაკეთებული მაქვს. სამარცხვინო კანონია, პროცესიც სამარცხვინოა, ეს კომიტეტიც სამარცხვინოდ იქცა და თავმჯდომარეზე აღარ ვიტყვი არაფერს წევრებთან ერთად. ამიტომ, ჩემს კითხვებს აქ არ დავსვამ. ვიმედოვნებ, სხვებს მაინც მიეცემათ საშუალება, რომ რაღაც კითხვები დასვან და იმედი აქვთ, შეიძლება რაიმე შეიცვალოს“, - განაცხადა სერგი კაპანაძემ.

თავის მხრივ, კაპანაძეს კომიტეტის თავმჯდომარემ რომან კაკულიამ უპასუხა:

„თქვენ რომ სიტყვა „სამარცხვინოს“ იყენებთ, ესეც სამარცხვინოა, მე მგონი, მაგრამ კარგი, დავანებოთ ამას თავი...“, - აღნიშნა რომან კაკულიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს