სამშენებლო და სარემონტო ჰიპერმარკეტი „მიჰაუსი“ დღეს ოფიციალურად გაიხსნება

ამიერკავკასიაში უდიდესი სამშენებლო და სარემონტო მასალების ჰიპერმარკეტი „მიჰაუსი“, ოფიციალურ გახსნამდე რამდენიმე საათით ადრე, მომხმარებლის წინაშე ციფრულად წარსდგა სლოგანით – „მეტი ინოვაცია შენი სახლისთვის“.

როგორც ინფორმაციაშია აღნიშნული, ჰიპერმარკეტში შესვლისთანავე მომხმარებელს ხვდება სენსორული მონიტორები. აღნიშნული ტექნოლოგიური მოწყობილობა ადამიანებს დაეხმარება, სასურველი პროდუქტის აღმოჩენაში.

სულ ჰიპერმარკეტში 21 ქვეყნის წამყვანი ბრენდების მიერ წარმოებული 60 000 პროდუქტია 11 სექციაშია წარმოდგენილი.

„გარდა სენსორული მონიტორებისა, მომხმარებელს „მიჰაუსის“ უზარმაზარ სივრცეში ნავიგაცია იატაკის ფერებითაც შეუძლია. მაგალითად, ყვითელ სექციაში განათების სისტემებია განთავსებული, სხვა ფერითაა მონიშნული საღებავების სექცია და ა. შ.

„მიჰაუსი“ ეკოლოგიურად სუფთა და ეკომეგობრულ პროდუქტებზეა ორიენტირებული და მომხმარებელი ყველა სექციაში იპოვის ეკოლოგიურად სუფთა პროდუქტებს, განსაკუთრებით კი ეს საღებავებს ეხება.

„მიჰაუსის“ ინოვაციად მიიჩნევა ამიერკავკასიის ბაზარზე VR სათვალის დანერკვა კლიენტების მომსახურებაში, რომლებსაც კომპანიის დიზაინერები 3D გამოსახულებაში უქმნიან მათთვის სასურველი ინტერიერის დიზაინს. ამ სათვალის მეშვეობით მომხმარებელი მთლიანად ათვალიერებს თავის მომავალ სახლს. ამგვარი მიდგომა მნიშვნელოვნად ამცირებს როგორც რემონტის დროს, ასევე გაუთვალისწინებელი პროცესებისგან გამოწვეულ დამატებით ხარჯებს.

სწორედ ინოვაცია და კომფორტი ერთ სივრცეში ქმნის ყველა წინაპირობას იმისთვის, რომ მომხმარებელმა დროის ეკონომიაც გააკეთოს და საკუთარ არჩევანს ზუსტად მოარგოს ესა თუ ის პროდუქტი. ამაში მათ „მიჰაუსის“ კონსულტანტებიც აქტიურად დაეხმარებიან“, - ნათქვამია ინფორმაციაში.

გარდა ამისა, მომხმარებელს სახლიდან გაუსვლელად შეუძლია „მიჰაუსში“ სასურველი პროდუქტის შეძენა და მიტანის სერვისით სარგებლობა.

ყველა მომხმარებელი მიიღებს ლოიალურობის ბარათს, ხოლო ამავე ბარათით ერთგული მომხმარებელი ექსკლუზიური ფასების პირობებში კიდევ უფრო მეტი ფასდაკლებით ისარგებლებს. „მიჰაუსიში“ პარკინგი უფასოა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა