შინაგან საქმეთა სამინისტროში გიორგი შაქარაშვილის საქმეზე მოწმეთა გამოკითხვა დასრულდა

ორთაჭალაში, შინაგან საქმეთა სამინისტროში 19 წლის ფეხბურთელის, გიორგი შაქარაშვილის საქმეზე მოწმეთა გამოკითხვა დასრულდა.

როგორც ერთ-ერთმა გამოკითხულმა მოწმემ, ბარბარე ურიდიამ ჟურნალისტებთან განაცხადა, ის საგამოძიებო უწყებაში მეორედ იმყოფებოდა - პირველ გამოკითხვაზე გადაადგილების დეტალები გამოკითხეს, დღეს კი მისი კუთვნილი სოციალური ქსელები დაათვალიერეს.

"პირველ რიგში, მინდა ავღნიშნო, რომ წინაზე როდესაც ვიყავი მოსული, რაღაც გადაადგილების დეტალები იყო გასარკვევი, ვთქვათ, რა დროს რა ადგილას ვიმყოფებოდით და ახლა საჭირო გახდა სოციალური ქსელების დათვალიერება, "ფეისბუკის", "ინსტაგრამის" და შესაბამისად, ამიტომ დამჭირდა ახლა მოსვლა. წინაზე ეტყობა ჯერ არ იყო იმის დრო, რომ სოციალური ქსელები დაეთვალიერებინათ და ახლა გახდა საჭირო. 19 ივნისს ჩვენ ვიყავით ლისზე. დაკარგული იყო თუ არა გიორგი, არ ვიცოდით. სახლში რომ მივედით, მაშინ გავიგეთ, რომ ასეთი რაღაც იყო მომხდარი. ამის შესახებ ვინც იყვნენ ჩემი ახლობლები - დიჯეი კონსტანტინე ღიბრაძე, ვახო ახვლედიანი, გიორგი ქათამაძე, მათგან გავიგე ეს ამბავი. წავიდნენ ბავშვები, რომ ერთმანეთი წამოეყვანათ. რა თქმა უნდა, ყველას ეძებდნენ და არ ჰქონდა მნიშვნელობა, კონკრეტულად ჩვენი მეგობარი იყო თუ არა, მაგრამ ვერ იპოვეს. როგორც ვიცი, გადმოსულებიც იყვნენ მანქანიდან და ისეც ეძებდნენ", - განაცხადა ბარბარე ურიდიამ.

ცნობისთვის, გიორგი შაქარაშვილის საქმეზე დღეს კიდევ სამი მოწმე, ფოტოგრაფი იაკობ ბრეგვაძე, ლუკა ბეჟანიშვილი და არასრულწლოვანი ლ.ქ. გამოიკითხა.

შეგახსენებთ, რომ 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა